Shillon
g, Risaw 20: Ka Opus Production, ha dien san snem kan pynkhi im biang ia ka ‘Shillong Autumn Festival 2018’ ka ban pynlong ha Umiam ha ka 26 bad 27 tarik mynta u bnai ha Umiam, Ri Bhoi District.
U Bah Andreas Wahlang bad ka Kong Alenthia Kynta haba kren ha ki lad pathai khubor mynta ka sngi ha Shillong Press Club kila pynpaw ba kid a angnud ba kum kane ka tamasa kam dei ban jah ha kane ka jylla Meghalaya.
La iathuh ba ka Opus Production ha dien ba kala ioh ia ka jingbit na ka kynhun MTDF kala iaid sha khmat ban pynkhreh ia kane ka tamasa namar khlem ka jingbit na katei ka kynhun kim nym lah ban pynlong ia kane ka tamasa. Ka jingsngewnguh ka leit sha u bah RG Lyngdoh ban ai ia kane ka jingbit.
Ban pynkhi im biang ia ka ‘Shillong Autumn Festival’ kab ala sdang ha u snem 2006 bad kaba la iaid haduh u snem 2012, ka long kaba don kam ba ka jylla Meghalaya ka dei ban don ia kum kine ki Tamasa ban khring ia ki nongwanjngohkai pyrthei. Kane ka kynhun ka kwah ba kane ka tamsa ka dei ban beteng.
Haba ia dei bad ka jinglut jingsep baroh, 20% kan wan na ka jingiarap nong ki nongkyrshan bad 80% ki hap ban pynlut ia kane ka kynhun jong ki. Ki don ka jingkyrmen ba ha ki snem ban wan ki briew kin sa wan sha khmat ban kyrshan ia kane ka tamasa.
Kane ka tamasa kaba ar sngi, kan kyntup iaka jingpyni nam ia ki riti dustur, ka rwai ka saiw na ki kynhun bapher bapher jong ka jylla Meghalaya bad ka kynhun ka wan na sha bar ka jylla kan dei tang kawei na ka jylla Mizoram.
Ha kane ka tamsa kan don ka jingialehkai ka kyrpang ban pynkmen ia ki khynnah rit. La ong ba ka bai tiket na ka bynta ar sngi kan long T.500/- tyngka. Kane ka kynhun nalor kitei ki arngut ki donsa ar ngut u bah Habajopthiaw Tiewsoh bad u bah Mebankhraw Warjri kaba ki ia treilang ban pynlong ia ka tamasa ha jaka jong ka MTDC ha Umiam.
