Ka party Congress ka dawa ba ka sorkar ka dei ban pyntreikam noh ia ka MHIS: Dr Mukul

Shillong, Risaw 30: U nongialam ka liang pyrshah u Dr Mukul Sangma u la ong ba ka seng Congress ka dawa na ka sorkar  MDA kaba mynta ba ka dei ban pyntrei kam noh ia ka Meghalaya Health Insurance Scheme (MHIS) na ka bynta ka jingmyntoi jong ki paidbah ba duk ba rangli jong ka jylla kiba don kam ia ka jingsumar ha ki hospital.

Haba kren ha ki nongthoh khubor mynta ka sngi u myntri rangbah ba rim ka jylla ba u dei ruh u ba la saindur ia kane ka MHIS na ka bynta ki paidbah u la kyntoh ba kane ka sorkar kam lah ban pyntrei kam ia kane ka skhim. Ka jingbym lah jong ka sorkar ban pyntrei kam ia ka MHIS ka dew ba kane ka sorkar kam lah ban trei kam.

Haba ia dei bad ka jingbym pat siew jong ka sorkar ia ka jingirap sha ki riew kynthei bad ki ba don ka jingduna ha ki khot met  ia kaba pisa kaba dei ka jong ki mynta la shisnem kane ruh ka krem shai ba kane ka sorkar kam don ka jingsngew na ka bynta jong ki kiba don ha pdeng ka jingduk jingkyrduh.

La ong ba ka iing dorbar thawain ka jylla kala dep ban pynlait ia ka pisa, balei pat ba skem ban siew sha kiba dei hok ban ioh, kane ka jingpynslem jong ka sorkar ka long kum ka jingleh bein ia ki bat lot bor. La ong ba T.500/- shibnai bad ha ka shisnem T.6000/- ka la long ka jingiarap kaba kraw ia ki.

Haba ia dei bad ka jingbym shah ka sorkar haduh mynta ban iaid ki kali na Them motor kane ka pyni ba ka don ka jingbym shong suk shnong shngian bad balei ka sorkar ha duh mynta ka dang khang sah ia kane ka jaka ban iaid kali kane ka sorkar ka hap banpynshai paidbah.

Haba ia dei bad u general sectraty ba rim jong ka seng HNLC u ba rim u bah Cheris Thangkhiew, na ka liang jong u Dr Mukul u la ong ba haduh mynta ka sorkar kam pat ai ka jingshai, ka sorkar  jong u mynshuwa haba ki lehnoh ki wan ban pyndem ka sorkar ka pdiang ia ki hynrei ki kam runar jong ki la bishar katkum ka ain.

What Next?

Recent Articles

Leave a Reply

Submit Comment

*