Shillong, Naiwieng 18: Mynta ka sngi kala don ka jingialang ha nongbah Delhi ia kaba la khot da u general secretary ka party ba dei peit ia ki kam pynkhlain ia ka party Congress u Venugopal ban ia kren halor ka MLA ilekshon shiteng samoi kaba dang shudep ha Meghalaya ha kaba la don lang ruh u Manish Chatrath.
Ha kane ka jingialang ha dien ba la ia phylliew jingmut la pynpaw ba ka party Congress ka ia tylli kawei ha Meghalaya bad d akawei ka sur kila shim ia ka rai ban kin sdang noh shen ban trei na ka bynta ban pynkhlain ia ka party ban pynkhreh ia ka MLA ilekshon kaban long ha u snem 2023.
Na ka liang jong ka party ka kai khublei ia ki paidbah kiba la kyrshan ia ka party ha kane ka ilekshon MLA shiteng samoi wat la ka party kam shym jop hynrei ka jingiohvote pat kala kiew.
Ka party Congress kan trei shitom ban pynkhreh ia ka ilekshin MLA ha u snem 2023 na ka bynta ban ioh ban wan ha ka bor ha u snem 2023 bad ban pynlong ia ka sorkar kaba lait na ki kam bamsap.
Ka party Congress ka ai jingkhublei ia ki paidbah ka 13-Mawryngkeng, 24-Mawphlang bad 47-Rajabala MLA Assembly Konstitwensi kiba la ai ka jingkyrshan ia ka party ha kane ka ilekshon shiteng samoi kaba la dep.
Ha kane ka jingialang kaba la long mynta ka sngi ka long ban pynkhlain shuh shuh ia ka party ban weng ia ki jingeh kiba don ha khmat ban pynkhreh ia ka party ban leit sha ka MLA Ilekshon ha u snem 2023.
Ha kane ka jingialang kaba la long mynta ka sngi ha Delhi, la don lang u president ka MPCC, u bah Vincent H Pala, u nongialam ka CLP u Dr. Mukul Sangma, Dr. Amapreen Lyngdoh Working President, bah Charles Pyngrope Secretary AICC ba dei peit ia ka jylla Manipur Marthon Sangma, bah James Lyngdoh kiba dei ki working President ka MPCC.
