Shillong, Nohprah 17: Mynta ka sngi ki san ngut ki MLA jong ka party Congress kila leit ban ia kynduh ia u mytnri rangbah ka jylla u Cornad K Sangma bad ha kane ka jingiakren la kren shai ba kin ai ka jingkyrshah ia ka sorkar katkum ki mat trei kam, hynrei kum ka party ka don la ka long ka kynhun.
Haba kren ha dien ka jingiakynduh ia u mytnri rangbah ka jylla ka Dr. Amapreen lyngdih kala ong ba kumba ka long mynta ka jingiakren ia ka CAA kala paw pyrthei biang, ka jingiakren ka dang iai bteng ban kyrshan ia ka sorkar ha ki bynta kiba lah ban pynmyntoi ia ki paidbah bad ka party Congress ka kwah ban wanrah ha ka jingtip jong ka sorkar namar ba kane ka khlam COVID-19 kala ktah ia ka kamai ka jih jong ki paidbah.
La ong ba dang don bun ki long iing long sem kiba dang shem jingeh ban ioh ia ka bylla ka sngi, kala ktah ruh ia ka pule puthi kaba dei Online bad Offline, ka rukom pyniaid ia ka jingpynlong ia ka eksamin bad kum juh jingphah ia ki khynnah sha skul haba peit ia kine ki jingeh baroh ka party Congress ka kwah ban ia kren bad ka sorkar na ka bynta ka jingmyntoi jong ki paidbah ka jylla.
La ong ba dei ban tip kaei ka bynta jong ka liang pyrshah ka long ba dei ban don ia ka jingpynbeit bad kin sa kynduh ia u Lamphang ka iing dorbar thaw ain ka jylla, kumba ka long mynta u Lamphang ka iing dorbar u pan jingpynshai na ki MLA ba phet seng bad kin sa ia kynduh hadien ka snem thymmai 2022.
Haba jubab ia ka jingbym ia shim bynta jong ki ha ka jingiakren kam pud, la ong ba kim shym la ioh jingtip bad ia kane ruh kila ia kren bad u mytnri rangbah ka jylla bad u myntri rangbah ka jylla u la ai ka jingkular ban pynthikna ba kan poi jingpyntip bad ka Congress kan ia shim bynta ha kane ka jingialang ban ia kren biang ia ki kam khappud.
Ha ka jingshisha ar ngut na ki MLA jong ka party ki dei kid khot jong ka Regional Committee bad kine ki ar ngut ki juhpyntip sha ka party ia kaei kaba ia kren na ka por sha ka por kaei kaba jia hapoh ka committee, ka party congress mynta kan nym dei shuh ka party bas huh pyrshah beit ne kaba ia bun kam tang ia ki kam politic hapoh ka party hynrei kan long ka party kaba lah ban ai ka jingshakri sha ki paidbah.
Kum ka party kan sa ia kynduh ia u Lamphang ka iing dorbar ban ia kren halor kane kam jong ka k6ynhun ka liang pyrshah namar kumba ka long mynta kam shai ha kaba ai dei bad ka kam liang pyrshah hapoh ka iing dorbar thawain ka jylla, bad ka Congress kan ai ka jingkyrshan ia ka sorkar lada don kam la ong ka kong Ampareen.
Ka kong Ampareen kala ong ba san ngut ki MLA jong ka party ki ia tylli kawei kum ka kynhun kin nym leh kano kano ka kam ban ktah ia ki paidbah bad kum ka party mynta kan pynkhlain ia ka party, ka long shai ba ka Congress kan kyrshan ia ka sorkar katkum ki mat trei kam.
