Ka party NPP ka dei ka party ban peit na ka bynta ki riewlum bad ki khristan: Cornad

Aizwal, Naiwieng 21: U National President jong ka party  NPP u Conrad K Sangma mynta ka sngi u la leit ban kanbas ilekshon MLA ha ka jylla Mizoram ha ki ar tylli ki jaka ha  Vairengte bad Kolasib ban pan ia ka jingkyrshan jong ki paidbah na ka bynta ki kyrtong jong ka party.

Kane ka jingleit jong u Conrad ka long ban kanbas na ka bynta ki ar ngut ki kyrtong ka seng u Hmingchungnunga bad  John Lalremruata, kiba ia khun na ka konstitwensi Serlui bad Kolasib.

Ha ka jingleit jong u Conrad sha Vairengte, u la ia kynduh ia ki paidbah jong ka Serlui konstitwensi bad la plie ruh ia ka jaka ai jingtip jong ka seng NPP. Ha kane ka jingleit la synran lang ia u da u National Secretary ba dei peit ia ka jylla Mizoram Dr. Lalrintlunga Jahau bad u General Secretary ka jylla Nagaland u Sashank Gataraj.

Ha ka jingialap ilekshon u Conrad u la ong ba dei tang ka party NPP kaba trei na ka bynta ki riewlum bad na ka bynta ki Khristan. U la ong ba kane ka party NPP ka dei na ka bynta jong ki riewlum bad ka jingialeh ka long ban pynneh ia ka jinglong kyrpang ka jong ki bad ka jingwan jong ki ha kawei ka kynhun ka long ban pynsngew ia ka jingeh ha ki tyngdong skhor jong ki briew ba don ha ka bor.

U la onbg ba u kpa jong u u PA Sangma u don ka jingiohi ba na ka bynta ka North East dei ban sngew bad burom ia ki, u la ong ba kumba ka long mynta ka NPP ka dei ka party kaba khlain bor ha NE bad kane ka long ka jingsdang hapoh ka jylla Mizoram ban trei na ka bynta ka jylla.

La ong ba ia ka NPP la seng ha u snem 2012 bad mynta kala sdang ban suhthied , ha Meghalaya, Arunachal Pradesh, Manipur bad Nagaland da ka jingkyrshan jong ki paidbah na baroh ki jaid niam. U la ong ba ka NPP ka ioh ba ka jylla Mizoram ka don kam ia shibun ki jingtrei na ka bynta ka bha ka miat bad ka ioh ka kot jong ki paidbah.

 

 

 

 

 

What Next?

Recent Articles

Leave a Reply

Submit Comment

*