Shillong, Naiwieng 14: U bah Albinus Lyngdoh President ka seng PDF na ka Umroi Konstitwensi ba dei ruh MDC barim la ong ba kum ka party kala dei ban khot da ka jingialang ban ia kren halor ka khubor kaba la mih ban ong ba ar ngut ki MLA kin leitnoh sha ka NPP namar bymioh shuhki.
Haba kren ha u SP News Agency u bah Ambinus u la ong ba haba ki mih kum kine ha ki lat pathai khubor ba ar ngut ki MLA, u Bah Jason Sawkmie Mawlong bad u bah Gevin Mylliemngap kin leit sha ka NPP bad kum juh ka MDC kong Macdaylne Sawkmie Mawlong, ka party kala dei ban khot jingialang ban ia kren.
Halor kane u bah Albinus u la kyntu ba ha kane ka sorkar MDA kaba ka party ka ai jingkyrshan ki don ar ngut ki myntri, u bah Banteidor Lyngdoh bad u bah Hamletson Dohling ba kum ki myntri ki dei ban peit lem ruh ia ki ar ngut ki MLA jong ka party namar ban ia bujli myntri ka por kam don shuh.
U Bah Albinus president ka party PDF na Umroi Konstitwensi la ong ba ka long kaba don kam ban ia kren bad kano kano ka jingeh dei ban ia shai hapoh jong ka party ban weng ia ki jingeh dei ban ia kren namar ki nongtrei kam party kim hun ban shu iohi ha ki lat pathai khubor.
