Shillong, Risaw 09: Ka Jaintia students’ Uniuon (JSU) haka jingpyllait khubor mynta ka sngi lyngba u Publicity Secretary ka pynpaw iaka jingiaroh iaka Phlim Pnar kaba la ai kyrteng ka “ INAMARATO”, bad ia kane la pynpaw hadien ba ki member jong ka Union kila ioh ban sakhi dala ki jongki khmat ia kane ka phlim ha ka sngi ba pyllait paidbah iaka.
Ka Phlim Pnar “ INAMARATO” ka dei kawei naki phlim Pnar kaba itynnad bha namar ka dei ka phlim kaba kit iaki jingmut bad ki jingsneng kiba khia bha naka bynta ka imlang sahlang khamtam ha kane ka juk kaba mynta.
Kumta kum ka Union, ka khlem ar tatien ba lyngba kane ka Phlim, ki nongshongshnong jongngi kin ioh shibun ki jingmyntoi naka bynta ialade bad kumjuh naka bynta ka imlang sahlang. Bad ha ka juh ka por ka JSU ka pynpaw ruh ba kane ka phlim khlempep kan kyntiew ruh iaka jaitbynriew ha kaban pynneh pynsah iaka ktien ka thyllieh bad iaka Dustur ka Riti jongka jaitbynriew jongngi.
Na ka liang ka JSU ka kitbok kit rwiang bad ai mynsiem ia u nongshna jong kane ka phlim ban nang iai kiew shaphrang ha kane ka kam kaba dei ruh shi bynta kum kawei naki lad iohkam iohjam hapoh ka Ri jongngi.
Ka JSU ka buh ruh ka jingkyrpad jur iaki paidbah ban ai iaka jingkyrshan kaba pura ia kane ka Phlim bad ruh ia kiwei pat ki phlim Pnar khnangba ngin dup lah ban kiew shaphrang kum kiwei pat ki Jait bynriew.
