Shillong, Naiwieng 08: Ka seng Congress mynta ka sngi kala pynlong ia ka jingpynpaw pyrshah ia ka jingkylliang ia ka pisa da ka sorkar BJP ha kune ka sngi ha u snem 2016. Ha kane ka sngi na ka liang jong ki dkhot ka seng Congress kila pynrem ia ka sorkar BJP da ki jingiapyrta.
Haba kren ha ki nongthoh khubor u nongai ktien jong ka seng Congress u Dr RC Laloo u la ong ba ka jingthmu jong ka jingkylliang ia ka pisa ka long ban ia leh pyrshah ia ka pisa bamklop, “ Hynrei kane ka pisa bam klop kala la kylla long ka pisa kaba bha ha kaba ki briew kila buh ia kane ka pisa ha kaba shna iing bad thied ksiar”.
Naka liang jong u tei u nongialam jong ka seng Congress u ba dei ruh u myntri ha ka sorkar jylla u la ong ba na ka liang jong ka sorkar pdeng khamtam u myntri ba dei peit ia ki kam sam marbam u la pynbor ia ka sorkar jylla ban pynlong ia baroh ki jaka ai khaw rashon ban ia siew ia tda khlem da pyndon kam pisa.
Na ka liang jong ka sorkar jylla ka don ka jingtieng ioh ki duh ia ka bhah namar kane ka jingai khaw rashon ka dei ka skhim jong ka sorkar pdeng na ka liang jong ka sorkar jylla kala pyrshang ha ki katto katne ki bynta, hynrei ban baroh kan long ka jingeh kaba khraw namar kam biang ka Internet.
Haba ia dei bad ka pisa thok, khlem da jer kyrteng u Dr Laloo u la ong ba ka don ka jaka ha khappud bad ka Bangladesh ba kane ka pisa ka juh wan, ia kane ka pisa thok la leit ban thep hapoh ki Bank, hato kata ka jingkylliang pisa kala iarap, na ka liang jong ka Congress ka ong ba kala wan rah tang ia ki jingeh suda ia ki paidbah.
