Ka pisa ban siew tulop ia ki skul “Deficit” ka don, ka jingeh bym ioh UC: DP Wahlang

Shillong, Nailar 24: U Bah DP Wahlang Principal Secretary jong ka sorkar Meghalaya ba dei peit ia ki kam skul haba kren kum u kongsan ha ka jingiapyni sap jong ki nonghikai na ka seng All Primary School Teachers Association (APSTA) kaba la long mynta ka sngi ha iing dorbar Jaiaw Lym pynllon u la ong ba ka pisa ban siew ia ka tulop jong ki nonghikai skul “Deficit” ka don, hynrei ka jingslem dei na ka jingbym pynbiang ia ka “Utilizations Certificate”.

U Bah Wahlang u la ong ia kane ka long halor ka jingong ba ka sorkar kam juh siew ia ka tulop jong ki nonghikai Deficit ha ka por kaba biang. Ha kane ka jingialang pynisap jong ki nonghikai Primary, na ka liang jong u Principal Secretary u la ong ba ka dei ban don ka jingiatreilang ha pdeng ki skul, ki ophisar jong ki District ban phah ia ki UC ha ka por ba biang khnang ba kan nym slem ka tulop.

Na ka liang jong u Principal Secretary u la pynshai sha ki nonghikai ba ki skul deficit ka long kum ba ia trei lang ha pdeng ki riew shimet bad ka sorkar ha ka dur jong ka “Public Private Partnership Mood” kaba mut ka sorkar ka ai ia ka jingiarap sha ki skul bad ka dei kamram jong ki skul ba kin pynbiang ia ki UC, lada slem ka UC kane ka buh jingeh ia ka sorkar.

Ha ka juh ka por u la kdew ia ka rukom hikai ba bun na ki khynnah skul kumba 40% wat la kila leit ia ka klass-I haduh klass-III kim tip ia ka map jong ka Ri India bad 50% kim tip kaei ka nognbah jong ka Ri India, u la kyntu ia ki nonghikai ba kum kila pyniia ki sap jong ki ha ka rwai ka shad ki dei ban lah ruh ban hikai ia ki khynnah ban kin tip bad sngewthuh.

Ha ka juh ka por u la ong ba bun na ki skul sha ki nongkyndon ki don ia ki jaka kiba heh, ki nonghikai kila dei ban hikai ia ki khynnah kumno ban thung ban tep, namar bun na ki khynnah kim tip bad u la kyntu ha kaba thung dei ban thung ia ki jingthung lada dei ki juh ki dei ban long kiba khlem ai dawai.

Ha kane ka sngi ki nonghikai kiba don ha ka shatri jong ka APSTA kila pyni ia ki sap ki phong jong ki ha ka rwai ka shad tynrai bad kum juh ia ka shad jong kane ka juk kaba mynta. Ia ki jingshad la wan ban ia shim bynta na ki shnat bapher bapher jong ka APSTA na ka jylla.

 

 

 

What Next?

Recent Articles

Leave a Reply

Submit Comment

*