Kyrdemkulai, Iaiong 10: Ki nongialam jong ka seng Hynniewtrep People Front (HPF) hapoh ka jingialam jong u president bah Apbor Nongrum jong ka Ri Bhoi District kila leit ban jurip ia ka surok na Zero Point sha pham Kyrdemkulai kaba la dep ban siang Mawsaling hynrei pat sdang ia ka jingsiang rong.
Na ka liang jong ka seng ka ai khublei ia ka PWD kaba la pyndep ia ka jingsiang rong ia ka surok ha katei ka thain kaba iaid na Sumer bad mih sha Kyrdemkulai, la Lat Zero sha Pham Kyrdem Kulai bad na ka shnong Udiker sha Zero Point la de ban siang rong kala pynsuk shisha ia ki paidbah ha ka leit ka wan.
Hynrei kaba dang sah mytna ka long na Zero Point sha Pham Kyrdemkulia kaba don kumba 6 Km ei ei kaba dang sah teng, ha ka jingleit jutip ka seng ka la shem ba la dep ban siang Mawsling hynrei ym pat idak ban siang rong pyndep, ka HPF ka kyntu ia ka PWD ba don pyndep noh ia ka jingsiang rong shuwa ban wan ka lyiur.
Na ka liang ka seng ka pynpaw ia ka jingsngewnguh ia MLA kane ka jaka u bah Jason S Mawlong bala trei shitom ban pynioh skhim na ka sorkar ban maramot ia katei kitei ki ar tylli ki surok kiba leit sha Zero Point, ha ka juh ka por ka seng ka kyntu ia u MLA ban kren ia ka PWD ba kin pyndep noh ban siang rong ia katei ka surok kaba dang sah.
