Ka ram lyngba ka MUDRA kan sa wanrah ka jingkylla ha ki samla jong ka Ri:Dr Subhash

Shillong, Risaw  9: Ka sorkar MMUDRA Shillongeghalaya ryngkat bad ka sorkar pdeng lem bad ki Bank kiba don ha kane ka jylla kila pynlong ia ka jingpynshai paidbah ha kaba ia dei bad kane ka rukom airam lyngba ki Bank ia kaba la tip kum ka MUDRA ban iarap bans eng ia ki kam ki jam la jong ia kaba la pynlong ha Soso Tham Auditorium mynta ka sngi.

Ia kane ka jingpynshai paidbah la plied a u myntri khynnah ka sorkar pdeng u ba dei peit ia ki kam iada Ri u Dr Subhash Ramrao Bhamre , ha ka jingkren ka jong u la ong ba kane ka skhim kan sa ai jingiarap ia ki khun samla jong ka Ri India ha kaba seng ia la ki jong ki kam ki jam. Ia kane ka skhim la plied a u myntri rangbah duh jong ka Ri India u Narendra Modi ha ka 8th Iaiong 2015.

Na ka liang jong u myntri jong ka sorkar pdeng u la ong ba kane ka skhim MUDRA ka long ban pynsuk ia ki briew kiba seng ia ki kam barit baria da kaba airam ia ki ba ki seng iala ki jong ki kam ki jam. Ha ka juh ka por na ka liang jong u myntri ka sorkar pdeng u la pynshlur ia ki briew ban ia siew ia tda da kaba pyndon kam ia ki kot ki bor kiba katkum kane ka juk kaba mynta.

Ha ka jingkren jong u Zenith M Sangma myntri ka sorkar jylla kum u symbit kongsan ha kane ka sngi  u la ong ba ha ka jylla Meghalaya ki don 36 tylli ki seng baei pisa, 21 tylli kid ei ki bank kiba dei jong ka sorkar pdeng, 10 tylli ki bank jong ki Riew shimet bad kawei ka Rural Bank bad 4 tylli ki Cooperative Banks bad ki shnat baroh ki don 395 tylli ha ka jylla bad ka jingdon jong ki bank ha ki nongkyndong ka long tang 51% bad ki jaka ba don ia ki ATM ki long tang 20%.

Haba ia dei bad kane ka skhim jong ka sorkar pdeng ki paidbah kim da tip bha dei na kane ka daw ba bun ha ki nongkyndogn ki briew haba ki don kam pisa ki ia shim ram para briew ha ka sut kaba heh. Kane ka skhim MUDRA kan long ka jingiarap ia ki paidbah bad kan pynduna ia ka jingshim ram na ki riew shimet.

 

Ha kane ka sngi na ka liang jong u myntri ka sorkar pdeng bad u myntri ka sorkar kila sam ia ram sha ki briew kiba ioh ioh ia kane ka ram lyngba ki bank bapher bapher.kumba ka long ka jingioh ram ki paidbah ha kane ka jylla ka long T.9.13 klur. Kane kala ai kam ia ki samla khlem kam.

What Next?

Recent Articles

Leave a Reply

Submit Comment
*