Shillong, Risaw 19: U General Secretary jong ka Ranikor Block Congress Committee (RBCC) u Nelbi Sangma u la ong ba la pynbeit ban pynlong ia ka jingialang paidbah jong ka party na ka bynta ka 35-Ranikor Constituency ha ka 27 tarik mynta u bnai ha Ranikor.
Ha kane ka jingialang ki nongialam jong ka Meghalaya Pradesh Congress Committee (MPCC), Meghalaya Pradesh Youth Congress (MPYC) bad Meghalaya Mahila Congress (MPMC). Kin ia poi lang ha katei ka jingialang paidbah jong ka party Congress ha Ranikor.
Kane ka jingialang ki nongialam jong ka District Congress Committee (DCC) na ka South South West Khasi Hills District ruh kin ia poi lang, Na ka liang jong ka RBCC ka khot ka wer ia baroh ki nongkyrshan jong ka seng Congress napoh jong ka 35-Ranikor Constituency ba kin ia poi paidbah ha katei ka jingialang paidbah.
