Ka ri Bangladesh kan rat diengkhoh ia ki kam lehnoh napoh ka ri jong ki: Ahmed Kabir

Shillong, Nailar 20: U Deputy Commissioner jong ka Jamalpur District jong ka Ri Bangladesh u la  ialam ia ka kynhun jong ka tei ka ri sha ka jingialang hapdeng ki Deputy Commissioner, District Magistrate, ki Superintendent  ki Pulit hapdeng ki neki ar tylli ki ri ka India (Meghalaya) bad Bangladesh  kaba la long mynta ka sngi ha Shillong.

Haba kren ha kane ka jingialang shuwa ba kan sdang ia ka jingiamir jingmut hapdeng kine ki ar tylli ki Ri, u la ong ba ka ri Bangladesh kan rat diengkhong ia ki kam lehnoh napoh ka ri jong ki bad mynta ki la jan lah ban pynduh ia ki kam lehnoh hapoh ka ri.

U Kabir u la ong ba ka Bangladesh ka pyrshah ia baroh ki kam lehnoh bad na ka liang jong ka Bangladesh kan ialeh ban rat diengkhong ia baroh ki jaitkam lehnoh kiba don hapoh ka Ri ka jong ki.

La pynsngew ba kane ka jingiakynduh kaba long mynta ka sngi ha Shillong, kin ia kren halor ki kam ia rung ia mih tuh jong ki briew ha pdeng kine ki ar tylli ki ri, kin ia kren kumno ban peit peit ia ki mawthum, ka jingiakhaii beain bad kumjuh ka jingia khaii ia u dewiong na kane ka Ri.

Ha kaneka jingialang la wan ia shimbynta da baroh hynniew tylli ki District jong ka ri Bangladesh kiba ia khap bad ka jylla Meghalaya, ka District Jamalpur, Sherpur, Netrakona, Mymynsing, Shylet, Sunamganj, Kurigram bad na ka tnad ba dei peit ia ka khyndew na ka Ri Bangladesh.

Ha kane ka jingialang la don lang ki Deputy Commissioner jong kitei ki hynniew tylli ki District bad kum juh ki Superintendent ki pulit jong ka Ri Bangladesh, Baroh ki ophisar jong ka  ri Bangladesh kiba la ia poi sha kane ka jingialang ki long 52 ngut ia kaba la ialam da u Ahmed Kabir DC jong ka Jamalpur District.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet