Ka roi ka par kaba lah ban weng ia ki jingeh ong u Conrad ha ka jingialang ka ‘NITI Forum for NE’

NE CM in AgartalaShillong, Iaiong 10: Ka jingialang ba nyngkong jong ka ‘NITI Forum for North East’ kaba dang shu thung thymmai la pynlong ha Agartala, Tripura mynta ka sngi. Ia kane ka jingialang la pynlong da ka NITI Aayog, jong ka tnad DoNER, ha ka jingiatreilang bad ka  North Eastern Council (NEC).

Ia ka jingialang la pyniaid da u Vice-Chairman jong ka  NITI Aayog, u Rajeev Kumar bad u myntri ba dei peit ia ka tnad DoNER, Dr. Jitendra Singh. Ki myntri rangbah ka dong shatei lam mih ngi kiba la ia don lang ha kane ka jingialang ki long,u Myntri Rangbah ka jylla Tripura, U Biplab Kumar Deb, u Myntri Rangbah jong ka jylla Nagaland Neiphiu Rio bad u Myntri ka jylla Meghalaya Conrad Sangma, nalor u Symbud myntri rangbah jong ka jylla Arunachal Pradesh u Chowna Mein ruh u la ia donlang lem bad ki heh sorkar na ki tnad bapher bapher.

Ha ka jingkren plie, u Rajiv Kumar u la ong ba ka jingphaikhmat sha ki kam pynroi ha NER kan long halor ka jingai jingmut jong ka “Highways, Inland Waterways, Railways bad Airways” kumba la pule da u myntri rangbah duh jong ka Ri u Narendra Modi.

U la ong ba ka jingphaikhmat sha kane ka thain kan long ruh halor ka pule puthi, ka koit ka khiah bad ka jinghikai kyrpang iaki samla  ha kane thain. U la ong shuh shuh ba ka kam rep soh, kam jngohkai pyrthei, bam pynmih iaki marbam, kajingpyndon kam ia ki siej bad ka jingshna ha ka thain shatei lam mih ngi yn kyntiew lyngba ki san tylli ki Mission Mode project katkum ka por.

Haba ai jingkren, u Dr. Jitendra Singh, u la ong ba ka sorkar ka la phaikhmat ha ka ban kyntiew ia ka thain kaba la shah iehnoh bein ha kine ki hynniew phew snem ba la leit naduh ba la ioh ia ka jinglaitluid. U la ong ba ka la don ka jingkiew kaba 21% ha ka jingpyndonkam ia ki pisa ba la mang ha ka thain shatei lammihngi ha kine ki lai snem ba la leit.

U Dr. Jitendra Singh u la ong ba ka sorkar pdeng mynta ka la ialeh tyngeh ban ai jingiarap pisa 100% na ka bynta ki kam pynroi ha ka thain shatei lammihngi, kaba long pyrshah ia ka 90-10 ratio mynshuwa ha kaba ki sorkar jylla ki ioh tang 10% na ka jinglut baroh.

U Myntri rangbah jong ka Nagaland Neiphiu Rio u la kdew ba tang ka Kohima ka nongbah jong ka jylla ha ka thain shatei lam mih ngi ka bym don kad liengsuin. U la ong ba ka sorkar jylla ka la ioh ka jaka na ka bynta kane bad kumba kawei ka airstrip kaba rit dei ban tei ha Kohima ban ai ka jingshakri lyngba ka lynti suin sha Nagaland hapoh ka UDAN scheme.

U Myntri Rangbah ka jylla  Meghalaya, u Conrad Sangma u la ong ba ka roi ka par kadei kaba lah ban weng ia ka jingeh baroh. U la ong ba ka National Games-2022 kan long ha Meghalaya, ka ban ia tyngkhuh ruh bad ka lyngkhuh dap 75 snem ka jingioh laitluid ka Ri India. U la ong shuh shuh ba ki jingeh ha ka ioh ka kot jong ka thain shatei lam mih ngi yn lah ban ia kynduh da kaba weng ia ki jingeh ha ka ioh ka kot.

U Myntri Rangbah ka jylla Tripura, u Biplab Kumar Deb u la ai khublei ia u Prime Minister uba la ai ka lad ka kabu ia ka Tripura ban pynlong iakane ka prokram kaba khraw. U la ong ba ka jylla ka don mar khappud bad ka Bangladesh na lai tylli ki liang ka jingwanrah nabar ri ka long palat T. 300 klur man ka snem na Bangladesh hynrei ka jingshalan pat ka duna bha tang T.4.6 klur.

U la ong katto katne ki kyndon ki khang lang ban shalan rubber na Tripura hynrei ia kane kajuh ka mar la shalan lyngba West Bengal. U Deb u la ong ba ka Tripura ka khlain bha ha ka liang ka ri dohkha namar kane ka jylla ka don ia ka suin bneng kaba biang bha na ka bynta ka kam ri dohkha hynrei ym shym la kyntiew pat ia ka.

Ki dkhot na baroh phra tylli ki jylla jong ka thain shatei lammihngi ki la ai ia la ki jong ki jong ki jingai jingmut halor ban kyntiew ia ka thain shatei lammihngi, kaba long ka phang pdeng jong ka jingialang ba mynta. U  Secretary, DoNER Naveen Verma bad u Secretary, NEC, Ram Muivah ki la batai ia ka jinglong jingman jong ki projek pynroi bapher bapher ha ka thain.

Ia ka ‘NITI Forum for North East’ la thung ha u Rymphang 2018 da ka thong ban pynthikna ia ka roi ka par kaba lah ban kyrshan bad kyntiew ia ka thain shatei lammihngi jong ka ri bad ka jingbishar ne iamir jingmut kaba na ka por sha ka por halor ka jinglong ka roi ka par ha ka thain shatei lammihngi.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet