Shillong, Rymphang 28: U Director jong ka phlim hindi u Akash Singh mynta ka sngi la iathuh ba ka samla Lucy Diengdoh kaba dang pule mynta hapoh Shillong College kala shah jied ban ak ha kane ka phlim hindi kaba u pyniaid ma kum kawei na ki aktres.
Haba kren ha ki lad pathai khubor mynta ka sngi u la ong ba, ka jingwan jong u sha Meghalaya ban wan ring ia kane ka phlim ka long namar ba ia u la kha ha Shillong bad u kwah ban pyni sha ka pyrthei ia ka jingitynnad jong kane ka jaka khnang ba ki kam jngohkai pyrthei kan kiew ha kane ka jylla.
U la ong ba ka samla Lucy Diengdoh kala shah jied ba ak ha kane ka phlim jong u namar u tip ba ki samla kane ka jylla ki don ia ka sap ka phong ban leh ha kano kano ka kam, hynrei kaba kongsan ka long ban plie ia kalad na ka bynta jong ki bad lada don ia ka jaka hikai kan long ka lada ai kam ia ki ba bun ki riew don sap.
La ong ba ia kane ka phlim la pynshong nongrim halor ka jingim jong u wei u riew paidbah u ba la shah ia ki jingeh bad u ba don ia ka mynsiem ialeh wat ha pdeng ki jingeh bad une u rew paidbah u dei u Proson Mahabatra u dei na kane ka nongbah Shillong.
La ong ba ia kane ka phlim la ring 20% ha nongbah Mumbai bad 75% jong kane ka phlim yn ring ha Shillong bad kumba 5 % yn ring ia ka ha Guwahti. U Aktor jong kane phlim u dei u Sahil Kholi, ka Aktress ka dei ka Shrigitaa Ghosh kaba juh ak ha ki phlim South Indian, ka aktres ban kyrshan ha kane ka phlim ka dei ka samla Luchy Diengdoh bad ka Shruti Giak.
La ong ki don ka jingthmu ban pynlait paidbah ia kane ka phlim Destiny ha u bani Jymmang. Ia kane ka phlim la pynmih da ka kompeni, VCM Entertainment Pvt Ltd, la ong ba Akash Shillong. Ha kane ka phlim kiba ia don bynta na kane ka jylla Meghalaya ki long haduh 136 ngut.
