Ka seng HANM kan nym ailad ban shah khein nongwei ki trai shnong ha Diengpasoh

Shillong, Lber 28: Ka Hynniewtrep Achik National Movement(HANM) ha ka jingïalam jong u bah Lamphrang Kharbani kum u President rangbah ka seng ha ka jingïadonlang jong u bah Suprian Mallai kum u President ka New Shillong Circle bad u Bah R Rapsang u ba dei u Assistant Secretary ka seng.

Mynta ka sngi ki la leit ban ai da ka shithi ha u bah H. Syiem u ba dei u Deputy Secretary ka KHADC ban pan jingpynshai halor ka jingbym shah ban die jaka ne khyndew sha ki paradoh para snam bad ba la kheiñ nongwei ïa ki paid Khasi Pnar da u Sordar ka Diengpasoh Khyriem Syiem Ship.

Haba kren bad ki nongthoh khubor u bah Lamphrang Kharbani u la ong ba ka sorkar ka la pynkhreh ban pynheh ïa ka surok hapoh Diengpasoh New Shillong, ki trai jaka kiba la thied ïa ki jaka ha kitei ki thaiñ naduh ki por mynshwa ki la duh noh ïa ka Land Composition namarba ka shnong ka khlem ai NOC, ki kot ki sla ba donkam.

U Bah Kharbani u la ong ba ka seng HANM ka sngew ba kum ka Jaitbynriew kaba rit, kane ka jingkheiñ nongwei jong ki nongkitkam shnong jong ka Diengpasoh ka la ktah mationg ïa ka Ri bad ka Jaitbynriew baroh kawei.

Shuh shuh u Bah Kharbani u la ong ba na ka liang ka seng HANM kan nym ailad ba kum kine kiei kiei ki wan jia hapoh kane ka Ri namar ïa u paradoh para snam ka shnong la kheiñ nongwei, katba ïa ka Airport Authority of India kaba wan na bar kaba la thied jaka da ki spah bad ki hajar acre ha ka thaiñ Diengpasoh pat la shah ne ailad.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet