Shillong, Nohprah 01: U Myntri ba dei peit ia ka tnad pynroi nongkyndong u Bah Comingone Ymbon, u la ong ba ka jingwan ia kynduh ki nongialam jong ka seng HNYF ia u mynta ka long ban ia kren ban pynkynriah noh ia u BDO jong ka Mawthadraishan Block namar ba u la don slem palat ha katei ka jaka.
Na ka daw ba u myntri u la hap ban leit sha kawei pat ka jingalang yn shym la lah ban batai balei kane ka seng kala wan ban dawa ban pynkynriah noh ia u BDO jong ka Mawthadraishan, na ka liang jong u myntri u la shu ong ba u BDO u ba dei mynta u la don slem palat ha katei ka Block.
Ha kane ka jingiakynduh na ka liang jong ki nongialam jong ka seng HNYF kila pynpaw ha u myntri ia ki jingeh kiba katei ka Block ka ia kynduh bad na ka liang jong ka seng kala khot iau myntri ba un leit ban jongoh hi la de ia kane ka Block kaba don ha West Khasi Hills District.
