Ka seng HYC kan sa bud dien ia ka jingsam khaw rotion, kin nym map ia kiba leh kam kai

Shillong, Iaiong 25: Ka HYC Sengkmie nyngkong eh ngi sngew ban pynshai ba na ka liang ka sorkar India lyngba ka skhim PMGKAY ka la mang ban ai khaw 5 kg bad Dai 1 kg khlem jingsiew Sha u ne ka wei u neka briew na bynta lai bnai, kata bnai Iaiong, Jymmang bad Jylliew Jong une u snem.

Ia u khaw bad Dai yn ai sha kito ki long iing ba don ration card AAY bad PHH . Ia kane ka skhim la mang namar ka jingktah ka lockdown ia ki long iing. Nalor kane ka skhim dang don sa ki skhim ration kiba shait ai man ka por kata ka long u khaw AAY, PHH bad NON- NFS . Ia une u khaw ki ai man ka por bad ym dei tang mynta por lock down.

Kumta , ki nongioh khaw lyngba ka ration card AAY bad PHH ki dei ban ioh ar bynta ne ar bhah . Lyngba ka skhim ration ba shait ai bad lyngba ka skhim PMGKAY kaba la mang kyrpang mynta ka por lockdown. Phim dei ban sngewthuh bakla ba yn ioh tang shijaid..phi dei ban ioh baroh ar bhah.

Ka HYC kyntu ia ki supplier ba phin sam hok ia kine ki skhim paidbah, mynta ka dei ka por ba ki briew ki mat jingeh bad ki duh ka bylla ka sngi , te sngewbha wat nym leh kam kai da kaba ialam bakla ban ai tang shibynta , Kan long kaei kaei kaba sngewsih lada phi ki supplier phin leh bein ia ki briew ha kum kane ka por .

Na ka Liang ka Seng ,lyngba ki shnat treikam Jong ka kan sa bud dien thik pa thik ia kane bad lada ka seng lap ba don ki supplier kiba leh kam kai ka seng kan nym map.  Ka seng ka kyntu ia ki rangbah shnong bad ki nongialam shnong kum ki sengsamla , ki seng long kmie bad wat ia ki riewshimet ba sngewbha bud dien lem ia kane ka Jing Sam khaw bad ka Jing iatreilang Jong baroh Kan wanrah ia ka jingioh myntoi ki briew kiba kham duna ka ioh ka kot.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet