Ka seng ka krenshai ba kan nym lah ban shu iapein kumto iala ka nongrim kam ka HNLC

Shillong, Lber 05: Ka seng ka krenshai ba kan nym lah ban shu ia pein kumto iala ka nongrim ban shu pyndem kum ki seng lehnoh na Garo tang na bynta ban ioh iaka song tyngka.La seng nongrim iaka Seng ym dei halor ka pisa thungsner, hynrei halor ka nongrim ban pynioh biang iaki hok ka jaidbynriew ba la shah knieh noh ha ka sorkar pdeng la kynnoh. Ka long kaei kaei kaba isaitmet ba u Dr Mukul u pyrshang ban nguid iala ka jong ka prie,haba tang iaka song tyngka ba lah mang ka sorkar pdeng iaka ANVC bad ANVC (B) ruh u dang pyndonkam bakla ban ai sha kito ki dkhot ba shu wan pyndem shimet, bad kine ki seng ki khlem pat ioh eiei ruh hadien bun snem kat haduh ba ka samoi treikam u CM ka lah jan kut noh.

Halor ka jingong jong u ba ka jingiakren bad ki seng kiengatiar kam poi shaei shaei wat hadien bun ki snem,ka dei tang ka jingkren khynnah jingkren khyllung.Ki Seng na Garo Hills ki pher ka nongrim haba ia nujor bad kiwei pat ki seng ha Northeast. U Dr  Mukul ym tip eiei shaphang Ka jaidbynriew Naga,ki Naga lei ki lah dep ban pynbna iaka ‘plebiscite’ 66 snem mynshuwa kata naduh u Snem 1951 ba ki kwah ban ieng kum kari balaitluid laka jong kampher wat lada rit  ne heh.Ka jingbym ailad ka Sorkar India ia kiwei ki ri ban don bynta lang ha kane ka jingiakren,ka pynlong ia ka NSCN(IM) ban sahkut tang ha ki jingiakren, dei ruh halor kata ka nongrim ba ka NSCN(K) ka randien noh naka jingsangeh iasiat.Ka mat jong ka Kashmir kaba la rung kat ha UN, Ka sorkar india kam shym ailad wat ia ka ri Pakistan ban ia shim bynta ban ia pynbeit lang ia kane ka kam,kane ka dei kawei ka jingeh ba ka sorkar india kam pdiang bad kheinkor iaka ain pyrthei (international law) kaba lah dep ithuh bad pruiddak daka UN halor kata ka hok ban synshar dalade .

Ka Sorkar india ka dei ban shaniah ha ka UN ban pynbeit iaka jingeh ki jaidbynriew kumba ka long ha Kosovo,South Sudan,scotland ne Wat ha Columbia kaba long mar khongpong iaka jing vote ki nong Columbia pyrshah iaka FARC  ka seng kieng atiar halor ka ‘plebiscite’. Kumta ka sorkar india ka dei ban ailad iaka UN bad ki paidbah ba kin jied hi lada ki kwah ban iasoh bad ka Ri  india ne ieng laka jong kum ka jaidbynriew ba laitluid. Ka jingthmu ban shu pynkut daka bor iaka jingiakhih kino kino ki seng ne jaidbynriew khlem da wanrah iaka jingiateh ba skhem ha ka dulir jingsuk kan khamsniew ar shah ban ia kaei kaba ju long,shim nuksa ia ka jingkynad ba khlem kut hapdeng ka North bad Ka South Korea,kane ka jia tang namar ba ka thma korea 1950-53 ka shu kut tang daka jingsangeh ban iakynad,ym dei lyngba ka jingiasoi ia suk.

Kaei Kaba jia iaka NDFB,bad ka ULFA ruh ka shu long beit daka jingbym banse ban wan sha ka miej ka jingiakren,namar ba ki nongialam jong kine ki seng kiengatiar ki shu shah bret kumto haka sorkar Bangladesh sha India. Kane ka buit treikam u Dr Mukul kan nym lah ban wanrah jingsuk kaba tikna ha Meghalaya,lym kumta u Sohan D Shira yn nym seng iaka GNLA bad ban phet biang arsien sha khlaw hadien ba u lah dep pyndem ialade Mynshuwa.Ka Sorkar congress lei la tikna ba kan nym don shuh iaka bor ha u snem 2018,ka lah duh ka jingshaniah naki seng kiengatiar,ka lah duh lut iaka jungshaniah u Paidbah, Khlem artatien ka BJP kan wan haka bor ha u Snem 2018 ha meghalaya sa tang lada kane ka seng sain hima bakhlain ha india ka lah ban sangeh iaka kam sain hima kaba wanrah iaka jingsngewiapher.

Ka long kaei kaei kaba sngew lyngngoh ba u Lat ka Jylla un kam ba ka Meghalaya ka lah roi la par bha lyngba kane ka Sorkar MUA2, lehse une u lat ba u dang thymmai u dang shah ban pynthame,ialam bakla.Hato une u lat u don jingtip ba iaka scheme lynti ban leit sha orchid u Dr Mukul  u pyntreikam tang namar ba ka don ka jingiathoh shongkurim ka khun jong u ha katei ka Jaka,Hato U lat u tip ba tang na bynta ba u mukul u seng jaka ban repsoh ialade sha thain Garo u wanrah ki scheme surok,scheme lynti tangba yn suk ka khaii pateng jong u shimet, Hato dei kum kane ka roi ka par na bynta ka jylla Meghalaya ba u Mukul u Wanrah ha kine ki 10snem duna U Mukul u lah ialam bakla iala ka jong ka Sorkar,pynlong lang matlah iaki dkhot ka MPCC, bad khamtam ban pynthame kai iaki paidbah ka Meghalaya la ong u Bah Sainkupar Nongtraw Publicity Secretary,HNLC ha ka jingpynlait khubor mynta ka sngi.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet