Ka Seng Samla Kur Thabah ka pynpaw ia ka jingsngewsih halor ka jingkhlad u bah Lambok

Shillong, Nailur 25: Ka Seng Samla Kur Thabah ka pynpaw ia ka jingsngewsih halor ka jingkhlad noh jong u bah Lambok Thabah iba la wanrah burom ia ka kur ka jait lyngba ka jingnoh synniang ka jong i ia ka imlang ka sahlang ha kaba ia dei bad ka jingtbit ka jong i ban pynwandur ia ka jingpynsaphriang ka jong i ia ki khubor ka jylla ha ka ktien Khasi lyngba ka kotkhubor ba pawnam ka Ri Khasi, U Nongsaiñ Hima.

U bah Lambok i long uwei u nongprat lynti ha ka kam thoh kotkhubor ha ka ktien Khasi iba la ai mynsiem ban pyndonkam ia ka sap ha ka thoh ka tar khubor ha la ka ktien ym tang ia ki para kur hynrei ia kiba bun ki samla Khasi. 

Ka Seng Samla Kur Thabah ka sngew ba ka jingkhlad ka jong i ka dei ka jingduh kaba khraw ia ka kur Thabah bad ia ka Jaidbynriew bad lyngba kane ka kyrwoh ka kwah ban pyntip sha ki bahaiing jong i ba ka Seng Samla Kur Thabah kan don ryngkat bad ka iing ka sem ka jong i ha kano kano ka por ba ka don ka jingdonkam.

Kane ka long katkum ka kyrwoh kaba la phah da u bah Kiewshaphrang JW Thabah bad Banseibor Thabah President bad General Secretary Seng Samla Kur Thabah.

 

What Next?

Recent Articles

Leave a Reply

Submit Comment

*