Shillong, Naitung 09: Ka Seng Samla Unitarian Church Jowai kawei na ki tnad treikam jong ka Balang Unitarian Jowai kum shi bynta ban kner la ki kti sha ka imlang sahlang kan pynlong ia ka Free Health Camp ha kaba iadei bad ki jingpang Urology bad Kidney ha ka 14th July, 2018 ha H.K. Singh Secondary School, Jowai naduh ka por 10:00 baje mynstep.
Ia kane ka Free Health Camp yn pynlong da ka jing iatreilang bad ka Centre for Advanced Urology & Kidney Diseases, Guwahati ha kaba ki doctor na katei ka centre ba ialam da u Dr Arup Kr. Nath, MS, MCh kin wan ban leh check up bad ban ai dawai ei ia ki nongpang.
Kumta ka Seng Samla Unitarian Church Jowai ka khot bad wer ia phi ki baroh kiba don ka jingpang jingshitom ha ki kidney bad kiba don maw ban phin wan sha kane ka Free Health Camp. Kane ka dei ka kyrwoh ba la phah da ka ophis jong ka Seng Samla Unitarian Church Jowai.
