Ka shillong college kan long ka ‘study center’ na ka bynta ka ICSI ha Meghalaya

wp_20160928_007Shillong, Nailur 28: Ka ‘Institute of Company Secretaries of India’ (ICSI) ia kaba la pynlong katkum ka ain jong ka sorkar pdeng lyngba ka ain bala pass hapoh  Parliament ha u snem 1980 mynta kala wanbuh ia ka jaka pule lane ka study center ha kane ka nonggbah Shillong, ha Shillong College. Kumba ka long mynta ha ka ri baroh kawei kiba pule ia kane ka kyrdan pule ki don haduh saw lak ngut ki samla pule.

Dr Shyam Agarwal Vice president, u la ong ba ki samla pule na kane ka thain shatei lam mih ngi jong ka Ri India kiba shim ia kane ka lain pule company secretary ki duna bha namar na baroh kawei ka dong shatei lam mih ngi jong ka Ri India ki don tang 4000 ngut bad na Meghalaya ki don tang 104 ngut.

U Agarwal, u la ong ba kumba ka long mynta ka Ri India kala dang kiew ha ka ioh ka kot bad kajingdon ki company ha ka ri baroh kawei ki don haduh 13 lak tylli katba ki ba pule ha kane ka kyrdan ki don tang saw lak ngut , haba ioh ia kane ka jingduna jong ki nongpule ka sorkar pdeng kala kwah ban pynshlur ia ki samla pule ha kane ka liang.

Katkum ki ain kiba thymmai kino kino ki company kiba ka bai seng jong ki ka long san klur tyngka ki hap ban buh iau company secretary, ha North East ki company secretary ki don tang 200 ngut bad ha Meghalaya ki don tangkum 10 ngut. Ka jingdawa ia kine ki briew kiba la pyndep ha kane ka jingpule ka long kaba jur bha.

Kiba lah ban pule ia kane ka kyrdan kidei ban long kiba la pass ia ka Class XII na kano kano ka line tang ba kimd ei n aka Fine Art, ka jingpule ka long ha ki lai kyrdan. Ban sngewthuh ia ka jingsdang ka long laisnem shiteng, ha ka kyrdan Executive kan long katkum ka jingdon kam, hapdeng shisnem bad lai snem bad ki pyntbit kyprang pat ia kane ka kam ka shong ha ki.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet