Pynjulor ki riew runar ia ka Rosario School ha ka shnong Kynrud, wad ka shnong ia ki riew sniew

School brokenShillong, Risaw 06: Ki briew runar kiba ym lah ban pit ha ka meit sngi Palei kila leit ban pynjulor ia ka Rosario School kaba don ha shnong Kynrud kaba hap hapoh jong ka Mairang Civil Sub Division, West Khasi Hills District. Ha kane ka jingjia ki iiet jong kane ka iing skul kila paid bad ki syntiew kiba don ha phylla skul kila shah pynjulor.

Haba kren ha u SP News Agency u Sordar jong ka jong shnong Kynrud u Bah Harnest Kharsyntiew, u la iathuh ba na ka liang jong ki Sister kila pyntip ia kane ka jingjia mynta ka sngi ha ka por mynstep bad mar ia ioh ia kane ka jingtip kila leit ban jurip ha kaba ia dei bad kane ka jingshah pynjulor jong kane ka skul.

Na ka liang jong u Sordar jong ka shnong u la ong ba kila lap ba kila don ki iiet jong ka skul kiba la paid bad ki syntiew kila shah pynjulor. Haba ia dei bad kane ka jingia na ka liang jong ka shnong kan wad ia kine ki nongleh kam sniew namar kane ka wanrah ia ka jingjah burom ia ka shnong ka thaw.

Kiwei pat ki tyllong khubor ki iathuh ba kane ka jingjia kala jia ha ka por 8 baje tam ei ei ha ka meit sngi palei ha kaba ki briew kiba ym lah ban tip kila leit sha katei ka jaka ba don kane ka iing skul ban leh ia kane ka kam ruknar ban pynpaid ia ki iiet jong katei ka iing skul.

What Next?

Recent Articles

Leave a Reply

Submit Comment
*