Shillong, Jylliew 14: Ka dorbar shnong Nongjri kaba don hapoh jong ka South West Khasi Hills District ka pyntip paidbah ba kala shim ia ka rai ba kyn nym pat shah ia ki briew kiba na bar banleit khaii ne die jingdie hapoh Iew Nongjri.
U Bah Mighter N Marwein Rangbah shnong u la ong ba ka shnong kan nym shah ia kiba leit ia khaii ne die jingdie khlem da ioh jingbit na ka dorbar shnong, ka shnong kala khang pyrshah ia ki bar jylla ban wan khaii ne trei hapoh jong ka shnong Nongjri baroh kawei.
Kane ka jingkhang ka long namar ba kam pat don ka jingshong shong shngian namar kane ka khlam COVID-19. Kumta ka dorbar shnong ka maham tyngeh ia kino kino kiba wan khaii ne trei khlem jingtip jong ka shnong tad haduh ba ka sorkar jylla kan pynbna bad ai jingtip da kumwei pat.
