Shillong,Naitung 18:Mynta ka sngi u General manager ka NEEPCO u N.K.Moa haba kren ha ki ki nongthoh khubor ha shillong press club u la pynpaw ba lada ka Mawphu hydro Electrical project lada lah ban pyntrei kam noh kan long na ka bynta ka jingmyntoi jong ki paidbah ka thain.
U N.K.Mao u la ong ba ka NEePCO ka dang pynlong ia ka jingjurip ia ka 110 hectares ka jaka kaba la mut ban shim na ka bynta ban pyntrei kam noh ia kane ka jaka pynmih bor ding eletrik ha Mawphu kaba hap hapoh jong ka East Khasi Hills District.
Haba ia dei bad ka jingkam jong ki katto katne ngut kiba pyrshah ia ka project ba ka um kan sa tap ia ka shnong Thiedieng ka long ka jingialam bakla ia ki paidbah. Na ka liang jong ka NEePCO ka la dep ban mang pisa na ka bynta ki trai jaka kiba ai jaka sha ka NEEPCO , u la ong ba kam don satia ka jing kynriah jaka ia ki trai kiba ai jaka kumba la kam da kiba pyrshah .
U N.K.Moa u la ong katkum ka jingdawa jong ki trai shnong ban pynkylla ia ka kyrteng jong ka projek ka shong ha ka sorkar jylla ban shim ia ka rai ban pynkylla ia ka kyrteng jong ka project kane kam dei ka kam jong ka NEePCO la ong u Mao.
