Ka shong ha u myntri ban pynsngew sha ki dkhot ka MEMRIWU ia kaba la ia kren: HR

Shillong, Naiwieng 06: Ka ophisar ba dei peit ia ka tnad Human Resource ha ka jingiakynduh bad ka Meghalaya People Labour Union (MPLU) halor ka jingiakhih jong ki nongtrei ka GVK Kompnei, kala iathuh ba na ka liang jong ka kompnei kala dep ban ia kynduh ia u myntri ka koit ka khiah jong ka sorkar jylla u Bah AL Hek.

Ha kane ka jingiakynduh na ka liang jong ka kompnei kala jubab ha khmat jong u myntri halor ki phra tylli ki mat jingdawa jong ki dkhot ka MEMRIWU, na ki phra tylli ki mat na ka liang jong ka GVK kala kren shai ba kan nym lah ban pdiang ia ka jingdawa ban pynkiew ia ka tulop da 100% bad ia ka jingpynkiew ia kabai nongtrei kaba 30% ka dei ban long man u snem.

Na ka liang jong ka GVK kala ong ha kine ki dkhot jong ka MPLU ba mynta ka shong ha u myntri ka koit ka khiah jong ka jylla ba yn pyntip sha ki dkhot jong ka MEMRIWU ia kaei kaba kila ia kren bad u myntri. Ha kane ka jingiakren kala ong ba ka GVK Kompnei lada ka sorkar kam kwah shuh ka kloi ban mih.

Haba ia dei bad ka jingpynbna kaba la pynmih lyngba ki lad pathai khubor ba lada kim treh ban trei hapoh ka hynniew sngi kin khot noh da kiwei ki nongtrei, hynrei kala kren shai ba na ka liang ka GVK kam shym la ong ban weng kam iano iano ruh. Ka jingong ban thung thymmai da kiwei ka long ban pyniaid beit ia ka kam.

U bah Batskhem Basaiawmoit general secretary jong ka MPLU haba kren ha ki lad pathai khubor ha dien ka jingiakynduh u la pynsngew ia kaei kaba kila ia kren bad ka ophisar kaba dei peit ia ka  tnad Human Resource jong kane ka kompeni. U la pynsngew ba kan long kaba eh ia ka kompeni ban pynkiew 100% ia ka tulop bad 30% ba kan kiew man la  snem.

What Next?

Recent Articles

Leave a Reply

Submit Comment

*