New Delhi, Iaiong 08: U Vice President jong ka Ri India u M Venkaiah Naidu ha ka jingiakynduh bad u myntri rangbah duh jong ka Ri Nepal u K.P. Sharma Oli mynta ka sngi ha nongbah Delhi u la ong ba ka shongsuk shongsain ka long kaba don kam na ka bynta kano kano ka ri ban kiew ha ka ioh ka kot.
Na ka liang jong u Vice President jong ka Ri India, u la ong ba ka Ri India bad ka Ri Nepal ka don bun ki jingiadei ha ka riti dustur bad ha ka khaii pateng, u la ong ba ka kyntiew phikir jong ka Ri India mynta ka long “ Ngi don bad phi na ka bynta jong phi” ban poi sha ka thong don kam ia ka jingshong suk u laong.
Ha kane ka jingiakynduh na ka liang jong u Vice President u la ia kren bad u myntri rangbah duh ka Ri Nepal ha kaba ki lah ban ia treilang ha kiba bun ki kam na ka bynta ban kyntiew ia ka ioh ka kot jong kine ki ar tylli ki ri bad kaba kongsan ka dei ban don ka lynti rel kaba pyniasoh hapdeng kine ki ar tylli ki Ri nalor kiwei kiwei ki kam pyntoi.
U Vice President jong ka Ri India u la ong ba ka Ri India ka don ia ki stad kijhad kiba lah ban leh bad ban trei iaki kam haba ka don ka jingiatreilang kham tam ha ka jingpynmih bor ding bad ka jingpyndon kam bha ia ka um na ka bynta karep ka riang ban myntoi kinongrep ha baroh ar tylli ki Ri.
