Ka sien nyngkong ka jinglumthup ia ki briew kiba wan iuh kjat ha ka shad Pomblang ha Smit

Shillong, Nailur 11:Ka sien nyngkong ka jinglumthup ia ki briew kiba wan iuh kjat lap ba wan na 11 tylli ki Jylla India bad na lai tylli ki ri ka pyrthei, USA, UK bad Germany ha ka Pomblang bad Shad Hima Khyrim 2016

Ka jingialang ban ai ia ka Kaiphod ha u Paiem Dr Balajied S Syiem, Syiem Khyrim,  ia ka thup jingtip halor ka jingmih na ka jinglum kyrteng ia ki Khun ki Hajar,  bad ki nongwan jngoh kai (tourist) kiba la wan iuh kjat ia ka Pomblang bad Shad Hima Khyrim, ha u December 2016.

Katei ka jingthmu ban lum thup ia ki jingtip halor ka jingwan iuh kjat ki khun ki hajar bad ki nong wan jngoh kai sha ka Pomblang bad Shad Hima Khyrim ka la wan dur na ka jingai jingmut u Bah John F Kharshiing, Chairman, Ka Dorbar Ki Khlieh Nongsynshar Ka Ri Hynniewtrep, bad Spokesperson, Federation of Khasi States, bad ka jingmynjur jong u Paiem Dr Balajied S Syiem, Syiem Khyrim, bad ia katei ka jinglum thup ia ka jingwan iuh kjat sha ka Pomblang bad ka Shad Hima Khyrim, la ioh lynba ka jingiatrei shitom jong ka Kong D Mawroh, Principal, ki samla pule class X, XI, XII, na Smit Higher Secondary School,  Seng Samla Smit, Sordar Smit, Rangbah Shnong, Nongmadan, Smit, Dorbar Smit Pyllun, bad ki Bakhraw (Elders) Hima Khyrim, kynthup ki nongtrei jong ka office The Grand Council of Chiefs of Meghalaya, Federation of Khasi States bad ka Society for Promotion of Indigenous Knowledge and Practice(SPIKAP),

Ia katei ka jinglum jingtip kaba rit da kaba buh san tylli ki miej, la pynlong ha ka 8tarik December 2016, naduh por 10 baje mynstep haduh 7 baje janmiet, ha katei ka sngi nalor ki khun ki hajar la wan poi u Governor, u Chief Minister, ki Cabinet Ministers,  ki Member Legislative Assembly bad Member District Councils, ki heh Shipai, ki longheh ki officer Sorkar India, kynthup ki nongmihkhmat na ki officer bapher bapher na kylleng ka pyrthei.

Na ka jingioh lum jingtip kaba rit (limited survey) la antad ba kumba palat sanphew hajar kiba la wan iuh kjat ha ki ar sngi 7 bad 8 Nohprah  2016 sha ka Pomblang bad Shad Hima Khyrim, la shem ba ka jingpyrshang ban lum thup ia ki jingtip ka la long kaba rit bha namar la buh tang san tylli ki miej lum kyrteng, bad la shem ba katei ka jingbuh miej ka la long kaba duna palat namar ka jingbun u paid uba la poi bad rung sha poh ka jaka shad hakhmat ka iing sad, bad la shem ba ki la don bun ngut ki paidbah kiba la wan ha ka por janmiet bad kane ka la buh ia ka jingeh ban thoh kyrteng namar ka jingduna ka jingshai.

Shuh shuh, katei ka jinglum thup ka jinglum jingtip ha ki san tylli ki miej – la lum ia ka kyrteng, ka shnong, ka raid, ka Hima ka District, ka  kyrteng jylla ka kyrteng ka Ri, ka jinglong Riewlum, bad kiwei kiwei la ioh lum ba ha katei ka Pomblang ( lane kumba ki juh khot Nongkrem Dance) na ka jingbuh miej san tylli la ioh lum kyrteng ba la don kumba Lai Hajar khyndai spah laiphew khyndai (3939) ngut ki nongwan jngoh kai bad na kitei ki kyrteng shi hajar saw spah hyniewphew (1470) ngut ki kyrteng la dei ki samla pule,  kumba shi spah(100) ngut ki ki bym dei Khasi. Shuh shuh na kitei ki kyrteng la ioh lum thup ba ki la wan na 250 tylli ki shnong na 6 tylli ki District Meghalaya (East Khasi Hills Dist, West Khasi Hills Dist, Ri-Bhoi Dist, Jaintia Hills  Dist, South West Khasi Hills, bad na Garo Hills Districts).

Kaba kham ioh mynsiem ha kane ka jingpyrshang kaba rit ka long ba La ioh lum thup ba la don kumba laiphew hynriew (36) ngut ki nongwan jngoh kai na kiwei pat ki jylla kum na Assam, Nagaland, Mizoram, Maharashtra, Delhi, Telengana, Bihar, Karnataka, Sikkim bad naduh Jylla Jammu & Kashmir, bad khamtam ia ki nongwan na bar Ri kum na Ri Germany, United States of America bad na United Kingdom(England). Ha katei ka jinglum kyrteng la ioh lum thup ba la don kumba 163 tylli ki kali kiba la ieng ha kawei na ki Madan football, Nongmadan Smit,

Katkum ka jinglum jingtip ka paw ba ka Pomblang bad Shad Hima Khyrim ka long ka sngi kaba kyrpang bad kongsan ka sngi khamtam ia u U Khun U Hajar -Hima Khyrim, bad kumjuh ia ki Khasi  na kiwei ki Hima bad lah ban ong ba ki paidbah ki pynpaw ia la ka dur (identity) bad ka jinglong kawei kum ka jaidbynriew ha kane ka Pomblang bad Shad Hima Khyrim.

Na katei ka jingpyrshang lum thup la shem na kitei ki jingtip ba namar ka jingbun ki paidbah kiba la wan na kylleng ka jylla la ai jingmut ia u Syiem bad ka Dorbar ba kin pyrkhat sani bha kumno ban thaw lad ban dawa ban pynlong ia katei ka sngi kum ka State Holiday khamtam haba ka la long lupa ka National Festival. La donkam ruh ban buh ki Bos (kali) kiba kyrpang kiban iaid man ka laiphew minute naduh mynstep haduh ban da kut ka Pomblang.

La ai jingmut ba la donkam ban pyndonkam ia ki kor jingstad kum ki ‘drones’ ha kaba lah ban ioh bun ki jingtip, bad katei ka jingtip kan iarap shibun ia ki bor Sorkar Jylla ban pynshlur ia ka kam jngoh kai (tourism) bad kan kyntiew ia ka iohkam ioh jam hapoh ka jylla.

La donkam ruh ban ai jingmut sha ki bor Sorkar Jylla ban thoh sha ka Union Ministry of External Affairs, Government of India, ban ai ia ki “visa on arrival”  ia ki nongwan jngoh na bar Ri, kum shi bynta ban nang kyntiew ia ka tourism.

Ha katei ka jingiakynduh lang kum ka dak ka jingsngewnguh u Paiem Dr Balajied S Syiem, Syiem  Hima Khyrim bad u Bah John F Kharshiing, ki la ai ka Certificate ia baroh ki khynnah skul bad ki nongiarap na ka Seng Samla Smit, kiba la trei shitom ha kane ka kam.  Na ka liang u Paiem bad ka Principal ki la ai khublei kyrpang ia u Bah John F Kharshiing, uba la shim ia ka jingkitkhlieh ban pynsdang ia  kane ka jingthoh kyrteng.

Na ka liang jong ka hima kala kyrpad ia u Bah John F Kharshiing, ban nang iai bteng ia ka jinglum thup ha ryngkat ka jingtreilang ki samla smit, khynnah skul, ki bor Shnong Smit, ki Bakhraw batri bad u Syiem ka Hima Khyrim,  ha kane ka Pomblang kaban sa wan bad la ai jingmut ban khot lang ia kiwei ki skul kum shibynta ban ioh khambun ki nongiarap ha kane ka Pomblang kaban sa long hashen ha u 10 & 11 tarik bnai Nohprah 2017.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet