Shillong, Naiwieng 06: Mynta ka sngi u bah Lambor Malngiang shongknor ka Meghalaya State Planning Board ba dei ruh u MLA jong katei ka jaka u la pynbna ha ka jingilang kaba la long ha Parish St, Joseph Laitkor ba ka St, Joseph’s Social and Cultural Organsation kan ioh ia ka Hall ban ai jinghikai ia ki samla ban trei hala ki kam ban ieng hala ki jong ki kjat.
Haba kren ha kane ka jingialang u bah Lambor la ong ba na ka liang jong u kum u MLA jong kane ka jaka u la dep ban ai ia ka jingmynjur ban shna ia ka Hall ha katei ka jaka ba ka SJSSO kan ioh ban ai ia ka jinghikai ia ki samla ba kin lah ban ieng hala ki jong kikjat ha ki kam bapher bapher.
Kawei ka kam kaba ha khmat eh kaba u dang ialeh mynta ka long ban pynioh ia ka jingbit ban ia ka skul St, Joseph Secondary School ba kan ioh sdang noh ia ka Klass XI bad Klass XII, ia kane ka kam u la shim khia bad kyrmen ba kin sa ioh ia kane ruh.
Ha kane ka sngi kum u MLA kane ka jaka u la ai ia ki kor computer ha kane ka skul ba kin pyndon kam na ka bynta ka jingbit jingbiang jong ki khynnah skul kiba pule ha kane ka jaka ha kane ka jingaiti la don lang ki nongpyniaid bad ki nonghikai kane ka skul.
Ha kane ka sngi la plie ruh ia ka durmot jong u phadar sngi bad la buh ha kane ka Parish ban pynsah nam ia u nongialap niam jong ka balang katholik ba paw ha ka jylla Meghalaya bad u dei ruh u khraw pyrkhat ka jaidbynriew ha kaba u la thoh bun tylli ki kot.
Ha kane ka sngi u bah Lambor u la kyntu ia kiba don ha kane ka jingialang ban kynmaw lem ha ka jingduwai ia ki nongialam ka jylla ba kin lah ban trei na ka bynta ka roi ka par ka jylla bad ban iakhun pyrshah ia ki kam bamsap.
Ha kane ka ngi kiba la kren ha kane ka jingialang ki long u bah Kynmawlang Wankhar secretary ka SSCO, phadar Raphael Maiong SDB Parish Priest, u phadar Orphindro Lyngkot SDB Provincial Silesian Province, Shillong.
Ia ka jingkren pdiang burom la ai da u bah Redmidus Mawrie bad ia ka jignkren ai khublei la ai da u bah Johnystar Mawrie. Ha kane ka sngi la don lang ki nongkit kam shnong, ki khynnah ksul ki nonghikai bad ki nongtrei balang.
