Ka sorkar jylla kam pat thung ia ka Tribunal ban peit ia ka jingeh ki riew tynmen: Herman

Shillong, Risaw 31: U Bah Hemran Nongrum president jong ka Shillong Senior Citizens Forum (SSCF) u la ong ba la seng ia kane ka seng na ka bynta ban peit ia ki tynmen ki kro ha kane ka Ri Khasi Jaintia, katkum ka Senior Citizens Act 2007.

Haba kren ha ki nongthoh khubor Shillong Press Club u bah Nongrum u u la ong ba kila juhioh sngew ha kaba ki leit ki wan ba ki kmie ki kpa ha ka jinglong tynmen ki shah ieh bein ha la ki jong ki khun, dei halor kane ka nongrim ba la seng ia kane ka seng ban iarap ia peit lem ia ki para tynmen.

Haba jubab ia ki jingkylii haba iadei bad ka SC Act 2007, u Bah Nongrum u la ong ba haduh mynta kim pat ioh jigntip ba kan don kata ka tribunal ha kane ka jylla. U la ong ba ka kam jong kane ka tribunal ka long ban bishar lada don ka jingujor na ki riew tynmen ba ki khun kileh beain ia ki kmie ki kpa ha ka jinglong tynmen ka jong ki.

La ong ba kane ka seng kan sa ia kynduh bad ka sorkar ba ia kren na ka bynta ban kyntiew noh ia ka baibam tymmen ia na ka T.500/- tyngka kaba ki ioh mynta la kumno kumno sha ka T.1000/- tyngka.

La ong ba ia mynta ka seng ka don 19 ngut ki dkhot, kin dang iaid sha khmat ban pynrung iaki riew tynmen sha kane ka seng, ha baroh ki bynta jong ka Ri lum Khasi bad Jiantia. Ha ka juh ka por kane ka seng kan btin lynti ruh ia ki khun samla ba kin poi sha kathong kaba ki anynud.

 

What Next?

Recent Articles

Leave a Reply

Submit Comment

*