Ka sorkar jylla,ka KHADC ki dei ban pynbor ia ka GOI ban weng noh ia ka EC ban tih Uranium

Shillong, Nailur 19: Ka KSU South West Khasi Hills District ka dawa naka sorkar Meghalaya ba kan pynbor ia ka Ministry of Environment and Forests ba ka dei ban weng noh iaka Environmental Clearance na ka bynta ban leh iaka Open Cast Mining na bynta u uranium ha ka jaka ba 422 hectares ha Mawthabah bad Domiasiat ia kaba Ka MoEF ka la ai jingbit ia kane naduh u bnai December, 2007.

Ka Seng ka kwah iaka sorkar jylla ban ruh iaka KHADC ba kin long shijingmut bad khuid ha ka nongrim ban nym ailad iaka jingtih uranium. Ngi la iohi ba ka sorkar ha u bnai August 2016 lyngba u Chief Minister Ka la pynbna ba la weng noh ia ka jingai jingbit sha Ka UCIL ia kana Ka Cabinet ha u ka 24 Nailar 2007 Ka la ai jingbit sha Ka UCIL na ka bynta Ka Exploratory Mining bad ki kam pynroi shuwa ban tih uranium h akatei ka thain.

Ha kaba iadei kane, ka seng kala iohi ba na ka liang jong ka KHADC ka la shim iaka Resolution hapoh ka Durbar ban nym ai NOC ha ka ban tih ne khlong ia u marpoh khyndew uranium. Hooid, ngi kum ka seng Ngi pdiang Sngewbha ia kine ki rai ba la shim da Ka Cabinet jongka Sorkar Jylla bad ka KHADC hynrei kum ka seng ngi kwah Ba kine ki ar tylli ki bor synshar haka jylla ki dei ban long beit bad shijingmut ha ka jingpyrshang ban khang tala noh junom ia Ka jingthmu ban tih uranium da ka Atomic Minerals Directorate ha Mawthabah-Domiasiat bad ha kiwei ki jaka ka South West Khasi Hills District kum ha Nongjri bad kiwei kiwei da kaba kin shim iaki sienjam ban pynbor iaka Ministry of Environment and Forests ban weng noh iaka Environmental Clearance halor ka kam tih bad drill uranium ha kylleng ki jaka jong Ka South West Khasi Hills District.

Na ka liang jongka Seng , ngi dap da Ka jingsngewdiaw naba kumba ka paw ka sorkar kam shym la shimkhia bha bad niewkor ia ka lawei Ki paitbah hapoh Ka District bad ki paitbah ha kane ka thain haba iadei bad ka jingbymkhein snep jongka sorkar India halor u uranium imat ngim shym la ia ia ryngkat dor ka jingim wat tang bad ki mrad. Ka Seng ka pynkynmaw ba lada ka Ministry of Environment and Forests ha u bnai May jong u snem 2010 haka 19th Meeting jongka Standing Committee jongka National Board on Wildlife ia kaba la khlieh da u Minister of State(i/c) Environment and Forests ka la kyntait iaka proposal jong Ka Department of Atomic Energy ban leh iaka Exploratory Drilling ha Balphakram National Park ( Rongcheng Plateau) Balei pat ha Mawthabah la ai Environmental Clearance wat ban leh iaka Open Cast Mining bad iaka Exploratory Drilling ha kiba bun ki jaka jongka South West Khasi Hills District.

Hooid, kum ka seng ngim don eiei ban ong halor kane hynrei kumba ka paw ” Ia ki hajar ki mynsiem briew hapoh ka South West Khasi Hills District ka sorkar kam shym la pyniaryngkat dor wat tang bad ki mrad ka Balphakram National Park, ngi kwah ba ka Sorkar jylla bad ka KHADC ki dei ban phah iaka khubor ba khlain sha Ka MoEF halor

kane bad ka Ministry ruh Ka dei ban kyrtiang dien biang halor Ki Environmental Clearances ba ka la issue ban tih bad drill uranium ha South West Khasi Hills District lem kumta na ka liang ka seng bad ki paitbah imat ka la dei ka por ban pyrkhat thymmai da kumwei lada ka sorkar kam leh eiei ia kane”.

Kum ka seng , ngi ieng haka nongrim ban khylliap Lama noh iaka lynnong tih uranium ha ka thain bad ngi kwah ba ka sorkar ka dei ban phai khmat bad pyrkhat thymmai sa sha ki Environmental Clearances ba ka MoEF ka la ai halor ka kam tih uranium. Ka Seng kan sa phah ruh daka jingthoh halor kane sha Ka Sorkar Jylla, shaka KHADC bad wat sha Ka MoEF halor kane. Kane ka dei Ka kyrwoh na u Samla Forwardman Nongrem, President, KSU South West Khasi Hills District.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet