Ka sorkar ka angnud ban pynbiang ia ki lad jingsumar sha ki paidbah ka jylla: AL Hek

Shillong, Nohprah 05: U myntri ka koit ka khiah jong ka sorkar jylla u Bah AL Hek mynta ka sngi la plie ia ka jaka ai jingsumar jong ka sorkar ha Weilyngkut-Nongpur Primary Health Centre kaba hap hapoh jong ka hima Lyngdoh Sohiong. Ha ka jingkren jong u myntri ka koit ka khiah u la ong ba ka sorkar ka angnud ban pynbiang ia ki lad jingsumar sha ki paidbah ka jylla.

U myntri u la ong ba kane ka PHC kaba la plie mynta ka sngi kan ai ka jingiarap ia ki paidbah ha ka jingkoit jingkhiah, ha kiba bun ki liang sha kitei ki shnong kiba don haduh 24 tylli sawdong jong kane ka PHC.

Ban pyni ba ka sorkar ka don ia ka jingkit khlieh ban ai ka jingsumar kaba biang ia ki paidbah, u myntri u la ong ba ka sorkar kala dep ban iasoi ia ka jingiatehkular bad ka Reliance General Insurance Co Ltd na ka bynta ban pyntrei kamia ka Megha Health Insurance Scheme (MHIS) kaba saw.

Ha kane ka sngi kiba la ia don lang ki long u MLA jong kane ka jaka u bah Samlin Malngiang u ba dei ruh u myntri ha ka sorkar jylla ba dei peit ia ka tnad sam um jong ka sorkar, u bah Renikton L Tongkhar MLA chairman jong ka MIDC, Dr.  T. S. Nongkhlaw,  DHS (MI), Dr. M. R. Basaiawmoit, DMHO, East Khasi Hills, u sorkar bad secretary jong ka shnong Weilyngkut. Ia ka jingialang la pyniaid da u Bah P Kuarbah sordar jong ka shnong Nongpur.

What Next?

Recent Articles

Leave a Reply

Submit Comment

*