Ka sorkar ka dei ban kyntiew ia ki marrep kiba mih na ka jylla Meghalaya: Ardent

Shillong, Lber 08: Haba ia shim bynta ha ka jingiatai ia ka jingkren jong u Lat hapoh ka iing dorbar, u Bah Ardent M Basaiawmoit MLA jong ka Nongkrem u la ban jur ba ka sorkar kala dei ban shim khia ban kyntiew ia ki marrep kiba mih na kane ka jylla Meghalaya khnang ba ki nongrep kin im na ka rep.

U la shim nuksa ba ka jingrep soh niamtra ha kane ka jylla mynta kala danghiar katba dangmih ki snem, u la ong ba balei ka sorkar kam pynshlur ia kane ka kam rep soh khnang ba ki nongrep kin im. U la ong ha ka jaka ba ka sorkar kan pynlut ia ka pisa na ka bynta ki minister bad ki ophisar ban leit sha bar Ri ban leit peit ia ka rukom rep jong kiwei ia kane ka pisa la dei ban pyndon kam ban kyntiew ia ka rep ha kane ka jylla.

U la ong ba lada ia kiwei ki jylla ki lah ban leh balei ha kane ka jylla ym lah ban leh, u Sohniamtra na kane ka jylla u long u ba bha bad lada kyntiew ia kane ka rep lah ban shallan ia u sha bar Ri ruh ha kaba ki ri jong ka pyrthei kin ioh ia u soh niamtra Meghalaya.

What Next?

Recent Articles

Leave a Reply

Submit Comment
*