Shillong, Risaw 12: Ka seng Hynniewtrep Youth Council (HYC) kala leit ban ia kynduh ia u myntri ba dei peit ia ka tnad khlaw bad pynneh mariang u James K Sangma ban dawa na ka sorkar ba ka dei ban thaw ia ka “Expert Committee” ban jurip ia ka Radiation ha katei ka thain Domiasait.
Haba kren ha ki Lat pathai khubor u mynta ka sngi ha dien ka jingiakynduh ia u myntri ba dei peit ia ka tnad khlaw bad pynneh mariang u bah Robert Kharjahrin bad u bah Roykupar Synrem general secretary kila ong ba ha kine ki sngi la iohi ba kala don ka jingmih ha ki lat pathai khubor ka radiation ha katei ka thain.
La ong ba ha kine ki sngi ka DC jong ka South West Khasi Hills bad u SP kila phah ia ki briew jong ki ban jurip hynrei kim pdiang ia kane namar kim dei kita ki stad ha kaba ia dei bad kane ka bynta, dei na kane ka daw ba ka seng ka dawa ba dei ban don ia ka “Expert Committee” ban jurip halor kane ka jingdon ka Radiation.
U bah Roykupar u la ong ba ki dkhot jong ka seng ruh ki la leit sha katei ka jaka kila shem ba ki don hynriew tylli ki top kiba don ha katei ka thain bad na kin ear tylli ki khlem da tap bad kine ki dei kiba la ieh naduh kito ki snem kiba mynshuwa.
Ha kane ka jingiakren na ka liang jong u myntri u la kular ia ki nongialam jong ka seng HYC ba un sa ia kren ia kane ka kam hapoh ka Cabinet. Haba ia dei bad kane ka HYC ka dawa ba dei ban tap biang ia kine ki top ban leit na ka jinglait kane ka Radiation.
