Ka sorkar ka dei ban thung ia ka “Judicial inquiry” halor ka jingshah bom ka kong Agnes: Zenith

Shillong, Naiwieng 13:  U nongialam jong ka seng Congress u Zenith M Sangma mynta ka sngi u la dawa ba ka sorkar ka dei ban thung ia ka “Judicial Inquiry” halor ka jingshah bom jong ka kong Agnes Kharshiing bad ka sorkar ka dei ban thung noh kloi lan ha ia kane ka kynhun tohkit ka bym don kano kano ka jingiashah liang.

U tei u nognialam jong ka seng Congress haba kren ha ki lad pathaikhubor mynta ka sngi u la ong ba kane ka jingjia, ka pyni ba ka don ka jingbymshong shnongain ha kane ka jylla. Kane ka jingjia ka lah ban don ka jingiadei ha pdeng ki politician bad ki nongkhaii dewiong la kynnoh u tei u nongialam ka seng Congress.

La ong ba kum kane kam juh jia ha ki por kiba la dep, la ong ba dang shen u myntri rangbah ka jylla u Conrad K Sangma u la ong ba kam don kata ka jingtih dewiong beain ha kane ka jylla, hynrei na kane ka jingjia ka kdew ba ka don ka jingtih dewiong beain.

Haba jubab ia ki jingkylli hata ka congress kan dawa ne em na ka sorkar ba ka dei ban thung ia ka kynhun tohkit  hapoh katta katta ka por, u Zenith M Sangma u la ong ba kim nym da buh da ka por hynrei ka sorkar ka dei ban leh kloi lan ban thung ia ka kyndhun tohkit.

 

 

What Next?

Recent Articles

Leave a Reply

Submit Comment

*