Ka sorkar ka dei ban tukla ia ka jingpan khajan ka Cantonment board na ka Lady Keane College

Shillong, Nailar 14: Ka Khasi Students’ Union (KSU) ka pynpaw ia ka jingkyndit halor ka jingmih khubor ba ka Lady Keane College kan hap siew haduh 45 lak tyngka sha ka Cantonment Board kum kata ka khajna bai jaka lane ka ‘Property Tax’.

Katkum ki thup khubor, kane ka khajna ka dei na ka bynta ka samoi naduh 1 tarik Iaiong 2022 haduh u 31 tarik Lber 2023. Ka jingdawa ia kane ka khajna kaba heh haduh katne katne ka long ka bym lah ban pdiang khamtam ha kaba ia dei bad ka jaka ai jinghikai.

Ka KSU ka buh jingkylli kumno ka Cantonment Board ka lah ban kam trai ia ka jaka ba don ka Lady Keane College haba ia kane ka kolej la seng naduh u snem 1935 bun bun snem shwa ban kha ia ka Cantonment Board.

Ka long kaei kaei ka bym sngew shong nongrim ban shu dawa ia katei ka khajna kynsan kynsan khamtam haba ia katei ka kolej la seng naduh ki por ba synshar ka Ri Bilat.

Ha ka jingshisha, wat lada ngim shah synshar shuh ha ka Ri Bilat, ka sorkar ka la dei ban mang bad ithuh kyrpang ia kum kine ki jaka ai jinghikai kiba la shakri ia ka thain bad ka jylla da ki phew phew snemba kin lait na ki jyrwit jyrwat ki ain ba thymmai ka India bad ka jylla Meghalaya.

Kat shaba phai ha kylleng satlak ka pyrthei ngi iohi ba baroh baroh ki trei borbah ban kyntiew ia ka pule puthi hapdeng ki kynthei ban lait na ka jingsahdien bad ba ki kynthei ki lah ban ieng ha la ki kjat. Ka Lady Keane College ruh ka dei kawei ka shlem hikai ia ka pule puthi kaba la seng kyrpang tang na ka bynta ki kynthei.

Shibun ngut ki riewkynthei kiba pawkhmat ka jylla ki la mih na kane ka kolej bad shibun ngut ki samla kynthei ki la lah ban ieng ha la ki kjat lyngba ka jingshakri jong kane ka kolej. Kane ka kolej ka la ai jingmyntoi ruh shibun eh ban rat dyngkhong ia ka jingsahdien ki khun kynthei ka Jaidbynriew Khasi.

Hynrei sngewsih pat ba hapdeng ka jingshakri kaba radbah, ka bainong ba kane ka kolej ka ioh ka long ka jingshah dawa bad jingshah the shah khum. Ka jingkylli mynta ka long, kaei ba ka Cantonment Board kan leh lada kane ka kolej kam lah ban siew ia katei ka khajna.

Kaei ka ban jia ia ki samla pule katei ka kolej, Mano ban bah khlieh ia ka lawei jong kitei ki samla, Hato ka Cantonment Board kan lah ban bah khlieh, Lane ka sorkar jylla kan bah khlieh? Ka KSU ka pynpaw ia ka jingpyrshah kaba jur ia kane ka jingleh donbor ia ki shlem ai jingnang jingstad kiba noh shikatdei ia u synniang u bynhei ha ka ban kyntiew ia ka pule puthi.

Ka sorkar ka dei ban tuklar noh mardor ia kane ka mat bad ka KSU ka pynsngew ba ka ai ka jingkyrshan kaba pura ia ki bor pyniaid ka Lady Keane College, kane ka long katkum ka kyrwoh kaba la phah da u General Secretary ka seng u samla Donald V Thabah.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet