Shillong, Nailur 12: ka sorkar Meghalaya ka don aiu ban leh, kiew ki nongthiah baranda ha kane ka nongbah Shillong. Mynshuwa la ioh tyngkhat eh ba kin don kum kine ki briew kiba thiah ha ki baranda jong ki dukan jong ki briew tang ha ki thain khyndaitlad.
Ha ki por ba la leit, la iohi ba kine kiba thiah ha ki baranda jong ki briew ki dei tang ki briew ki bym dei ki trai jylla , hynrei ha kine ki khyndait bnai la iohi ba bun na ki trai jylla ruh kila don kiba thiah ha ki baranda jong ki dukan jong ki briew khamtam eh ha ki bynta jong ka Motphran bad ha ki bynta jong ka Iew Polo.
Haba u SP News Agency u la pyrshang ban ia kren bad ki katto katne ngut kiba sah miet ha ki baranda jong ki dukan jong ki briew, haba ia kren kim kwah ban tang iathuh ia ka kyrteng jong ki ruh, hynrei ki jubab ba kin don jaka sah kim don lynti da kumwei ki hap ban thiah ha kham ki dukan jong ki briew wat hapdeng ka jinghap slap ne ka jingkhriat jong ka miet yn da ki trai dukan kila khang dukan.
Kine ki briew kiba thiah meit ha khmat dukan jong ki briew ki pynsngew lada ka sorkar ka lah ban ai jaka sah meit ia ki kan long ka jingkyrkhu ia kito ki ophisar kiba sngewthuh ia kane ka jingeh ka jong ki, u wei na kine ki u la ong da ka sur kaba sngewsih ba mano ban peit kum ia ki.
