Shillong, Jymmang 04: U Symbut Myntri Rangbah ka jylla u bah Prestone Tynsong u la iathuh ba ka sorkar kam shym la shah ia ka York Print Pvt. Ltd ba kan shallan mar sha Bangladesh lyngba ka kad khaii na Tamabil, Dawki.
Haba ia dei bad ki karkhna pynmih dewbilat ha ka jylla u bah Prestone u la kren shai ba ka sorkar kala shah ia ki tang ba ki dei ban pyndon kam tang 50% ki nongtrei bad la buh kyndon ba kim dei ban wanrah ia ki nongtrei na shabar.
Haba ia dei bad ka jingshah ia ka jingwanrah dewiong na Assam, u Bah Prestone u la ong ba la shah ia ki namar ba ym pat lah ban die ia u dewiong na ka jylla, namar ka Coal India Ltd kam pat lah ban pynbeit ba wan noh kane ka lockdown.
La pynshai ba ki karkhana dewbilat ki don kam bun ki tiar, ym tang u Mawshun, hyrnei ki don kam ia u dewiong bad kiwei kiwei ki mar ban pyndon kam ha ki karkhana, lada ym shah ban wan kit mar hap khang khyrdep ia ki karkhana dewbilat.
Ka jingshah ban wan kit dewiong ka long ba kitei ki karkhana kila thied na sha bar ka jylla nar bym don lynti rel hap kit da ki trok. Lada dei ban la shah ban die ia u dewiong na ka jylla kitei ki karkhana kila dei ban thied napoh ka jylla.
