Ka sorkar ka kwah ban don ka shong suk, tang ka jingiakren lah ban weng ia ki jingeh: Lahkmen

Shillong, Rymphang 24: U Myntri kam poh iing ka jylla Meghalaya u bah Lahkmen Rymbui haba kren ha ki lat pathai khubor halor ka jinghuri hura kaba la mih ha UMawli ha West Khasi Hills District, u la ong ba mar ia tip ia kato ka jingjia la bethah ia ki bor jong ka District Administration ban peit ba kan nym don kano kano ka jingklumar ne ka jingbym shong shngian ha kato ka jaka.

Na ka liang jong ka District Administration haka shim ia ka jingkit khlieh  ban peit ba kan nym wanrah kano kano ka jingeh hangto bad kala don ka jingiakren bad ki bor  District jong ka jylla Assam ba dei ban ia bat ia ka “Status Quo”  kaba mut ba ymd ei ban ia pynthud na baroh ar liang.

Haba jubab ia ki jingkylli halor ka jingdon ki shipai 11 Gorkha Regiment, u myntri kam poh iing u la ong ba “Ngam lah ban ong ia kaei kaba don hapoh ka jylla Assam, lada ki wan hapoh ki jaka jong ka jylla Meghalaya ia kata nga lah ban ong, hynrei ia kaba hapoh Assam ngam lah ban ong ei ei”.

U myntri u la ong ba ki khubor kiba la lah ban shaniah, hynrei kaba ym pat lah ban pynthikna ka long ba ka jylla Assam ka dang don kata ka ain Arms Forces (Special Power) Act , teng teng ki shu iaid lynti, hynrei ia kaei kaba don ha dien jong kata yn nym lah ban ong.

Na ka liang jong ka sorkar Meghalaya ka pyrshang ban ia kren ban don ka shongsuk shongsain namar ia im ha ka synshar paidbah, kin leh iau ia kita ki shipai, kano kano ka sorkar kam don hok ban ia lehthma bad ki paidbah, kaba don kam ka long ban ia kren bad dei tang ka jingiakren kaba lah ban weng ia ki jingeh, la ong u Bah Lahkmen myntri kam poh iing.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet