Shillong, April 16: U Myntri rangbah ka jylla u Conrad K Sangma, u la ong ba ka sorkar ka kwah ban kham pynjan ia ka jingshakri kham jan sha ki paidbah, kane ka long ka jubab halor ka jingkylli lano ka sorkar kan plie noh ia ka South East Khasi Hills District, ha Sohra.
Halor kane ka jingkylli na ka liang jong u myntri rangbah ym shym la jubab shai la hooid ne em, hynrei u la ong ba ka sorkar ka kwah ban kham pynjan ia ki jingshakri sha ki paidbah kane ka dei ka thong jong ka sorkar.
Halor kane u myntri rangbah u la ong ba ban leh ia kano kano ka kam ka sorkar ka hap ban da peit bad bishar bniah shuwa ia ka jingdon ha ka liang ka pisa pilain, namar lada leh kam dei ban long kaba trei kam na ka bynta ka jingmyntoi jong ki paidbah.
Halor kane ka jingdawa ban don noh ia ka SEKH District, na ka lian jong u myntri rangbah mynta ka sngi ym shym la jubab ei ei ban ong hooid ne em, hynrei u la ong ba ka sorkar ka dang bishar bniah ha kaba ia dei bad kane ka kam.
