Shillong, Iaiong 16: U myntri rangbah jong ka jylla u Conrad ka Sangma, u la ong ba ka sorkar ka long shai bha, ka kamram ba nyngkong ka long ban ia da ia ki briew la jong, ka Inner Line Permit ka dei ka rukom pyntrei kam bad ki jaka rung jaka mih dei ki jingtrei kiba don kam.
Haba kren ha ki lad pathai khubor mynta ka sngi ha kamra trei kam jong u, u la ong “ Ka sorkar kala shim khia haduh katta katta ban ia da na ka jingwan kyrthep ki briew ba nabar dei na kata ka dawa ba ha u bani Jymmang ban wan yn sdang noh ia ka trei ia ka jaka rung bad jaka mih ha Ri Bhoi District”, la ong u Conrad.
Haba jubab ia ki jingkylli ha kaba ia dei bad ka ain MSS Act, u myntri rangbah u la ong ba kane ruh kadei kawei na ki lad ki lynti ban iada, lada don kam ban kham pynbha ia ka ruh ka sorkar hap ban wanrah ia ki jingpynkylla ha ki katto katne ki bynta jong kane ka ain.
Halor ka jingdawa jong ki katto katne ki seng bhalang ban pyntrei kam ia ka ILP ha kane ka jylla da kaba kin sdang ia ka jingiakhih da kaba deng lama iong, na ka liang jong u myntri rangbah u la ong ba ki dei ban sngewthuh bad iohi ia ka jingshim khia jong kane ka sorkar ban teh la kam ia ka jingwan rungkyrthep ki briew ba na bar.
Kane kam dei ka kam kaba suk kaba lah ban lehnoh, ka sorkar ka wad ki lad ki lynti kumno ban khanglad ia ka jingwan rung ki briew kiba na bar namar ka kamram jong ka sorkar ka long ban ia dei ia kitrai jylla, la ka dei ka ILP ne da kano kano ka lynti ruh ka thong ka long ban iada ia ki trai jylla.
