Ka sorkar ka pynlong ia kane ka dorbar ki nongrep ban sngewthuh ia ka jingeh: Conrad

Shillong, Nohprah 04: U Myntri rangbah ka jylla u Conrad K Sangma mynta ka sngi u la plie ia ka dorbar jong ki nongrep kaba ar sngi, ha kaba u la ong ba ka jingpynlong ia kane ka dorbar jong ki nongrep ka long ban sngewthuh ia ka jingeh jong ki nongrep ha ka jylla.

U myntri rangbah u la ong ba da kaba pynlong ia kane ka dorbar ka sorkar kan sngewthuh kham bha ia ka jingeh jong ki nongrep, khnang ba ka sorkar kan dup sngewthuh kumno ban weng ia ki jingeh jong ki nongrep da kaba shim ia ki lad ki lynti na ka bynta ka jingmyntoi ka jong ki nongrep.

Ka sorkar kala don ka jingthmu ban thaw ia ka “ Komission na ka bynta ki nongrep” khangban lah ban peit bad iarap ia ki jingeh kiba ia kynduh da ki nongrep. Kane ka dorbar ka pynlong ba ki nongrep bad ki heh sorkar ki ia kynduh lang shi jaka ban ia kren ia ka jingeh ka jong ki, ia kane ka Dorbar ki nongrep kaba nyngkong la pynlong da ka tnad rep,ka jingiatreilang ka Meghalaya Basin Development Agency bad ka seng Hill Farmers’ Union.

Ha kane ka dorbar u myntri rangbah ka jylla u la ai ia ka jingkubur ka jong ki ba ka don shisha ka jigneh ha kaba ia dei bad ki nongrep, ha kaba pyniaid iew ia ki marrep, ka long kaba kongsan ba ka sorkar ka kwah ban ioh sngew na ki nongrep khnang ba ka sorkar kan lah ban wanrah ia ki polisi na ka bynta ka rep ka riang.

Ha kane ka dorbar u myntri rangbah ka jylla u la ong ba ka sorkar ka dang pynkhreh mynta ban pynshlur ia ki nongrep ba kin rep ia ki jingthung kiba ka sorkar kan dang pynkhreh bad ia kine ki jingthung ka sorkar kan sa thied na ki nongrep. U la iathuh ruh ba ka long ka burom ia ka jylla ba kala ioh ia ka khusnam na pdeng ki jylla kiba rit kiba la kiew ha ka rep ka riang.

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet