Shillong, Rymphang 09: Ka kong Agnes Kharshiing President jong ka CSWO, kala ong ba ka sorkar ka thok ban ong ba kam don kata ka jigntih dewiong beain, ha ka sngi Saitjain na ka liang jong ka seng kala kam ba la ioh ban shon ia ki dur jong ki trok kiba la rieh ha khmaw jong ka shnong Iewnongma bad mynmiet pat ki leit sha Assam.
Ha ka kyrwoh ka President jong ka CSWO, la ong ba ia u dewiong la kit na Shallang, Maweit ban pynpoi sha Assam lyngba ka Langpih. Ia ki kali kit dewiong la pyniaid na Rwiang sha Langpih bad u dewiong u dei u ba dang shu dep tih thymmai la kynnoh ka kong Agnes.
Ka President jong jong ka CSWO kala kynnoh ba ka sorkar ka thok ban ong ba kam don katta ka jingtih dewiong beain, la ong ba lyngba katei ka lynti ki trok kit dewiong ki iaid la kumno kumno ha pdeng 30 bad 40 tylli ha ka shisngi.
Ka kong Agnes kala kynnoh ba kane ka jingleh baroh ka dei ka jingpynkhein ia ka rai jong ka Supreme Court. Ka CSWO ka ong ruh ba ia kum kine ki jingbuh rieh ai ki dewiong la lap ruh hapoh jong ka shnong Semingkri ha South garo Hills District.
Na ka liang jong ka CSWO kala ong ba ka sorkar Meghalaya kala dei ban hukum ia u DGP, ki SP bad ki DC ban jurip mardor ia kane bad phah ia ka kaiphot kaba dei sha ka NGT hapoh Supreme Court. Lada ka sorkar kan nym ban leh ia kane ka long ba ka sorkar kala thoh, ong ka Kong Agnes.
Ka President jong ka CSWO kala ong ba ha ki jaka tih dewiong wat tang ka um ruh kam long shuh ha kitei ki jaka, ka Meghalaya State Polution Control Board kala dei ban jurip ia kane, la ong ka kong Agnes Kharshiing President jong ka CSWO.
