Ka sorkar kala ai jingbit ban pynlong ia ka jingiamareh ha ki kam pulit: Lahkmen

Shillong, Lber 08:  U Myntri Kampoh iing ka jylla u bah Lahkmen Rymbui haba jubab ia ka jingkylli ba la wan rah da u bah Process T Sawkmie ha kaba ia dei bad ki kam kiba lait hapoh ka tnad pulit la pyntip hapoh ka iing dorbar ba baroh ki kam kiba lait ki long 2028 tylli kine ki long naduh ki Grade IV haduh ki kyrdan kiba ha khliehduh.

U Mytnri kam poh iing u la ong ba ki don  17 tylli ki kam kiba lait ha ka kyrdan MPS bad ia kine la khot aplikoshon da ka MPSC, haba ia dei bad ki kam pulit kiba la dep khot da ka Meghalaya Central Recruitment Board (MCRB) la hap ban pynsangeh shuwa na ka daw jong ka jingwan ka khlam COVID-19.

U Myntri kampoh iing u la pyntip hapoh ka iing dorbar ba ka sorkar  kala ai jingbit mynta ban pynlong ia ka jingiamareh na ka bynta kito ki kam pulit kiba ka sorkar ka la dep ban khot aplikoshon kiba khlem lah ban pynlong mynshuwa na ka daw jong ka COVID.

La iathuh ba baroh ki kam kiba la dep ban pynbna mynshuwa ki long 1015 tylli ha ki bynta bapher bapher , ka tnad pulit kan sa pynlong ia kane ka jingiamreh shen ha kine ki khyndait por ban wan.

Haba jubab ia ka jingkylli bynrap jong ka Dr Amapreen Lyngdoh MLA, u myntri kam poh iing u la ong ba ka don ka bhah 10% bala mang kyrpang ia ki kynthei hapoh ka tnad pulit bad lada don kiba lah kham bha ruh kam don jingpher.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet