Shillong, Nohprah 07: U Myntri ba dei peit ia ka tnad ka koit ka khiah u James P K Sangma haba plie ka jaka pynmih Oxygen ha Nazareth Hospital Shillong, la ong ba ka sorkar kala bei pisa T.14.04 klur tyngka ha ki Hospital jong ki riew paidbah.
Haba kren ha kane ka jingialang u mytnri ka tnad ka koit ka khiah u la ong ba don kam ia ka jingiaburom kaba mar kylliang bad kane kan wan rah ia ka jingkylla ha kaba ai ka jingshakri ha ki lad jingiada ha ka liang ka koit ka khiah bad ka sorkar kala pynlut ha Nazareth Hospital ka ioh T.2.51 klur.
U Myntri ka tnad ka koit ka khiah la ong lyngba ka tnad ka koit ka khiah kala iarap ban pynmih ia kane ka jingai ia kane ka jaka pynmih Oxygen lyngba ka kynhun trei mon sngewbha kaba la tip kum ka “PATH Foundation” kaba dei kawei na ki kunhun jong ka partthei.
Kane ka jaka pynmih Oxygen ka dei kaba 800 LPM bad ka lah ban ai jingiarap ia ki 100 ngut ki briew ha ka juh ka por ha ka por ba don kam bad kane ka long kawei na ki jingpynkhreh ia ka kylla kaba lai lada ka wan ka khlam, hynrei kyrmen ba kan nym wan kata ka khlam, hynrei ka long kaba don kam ban long pat kiba la pynkhreh.
La ong ba kane ka jaka pynmih Oxygen kam dei ba kan long tang kum ka tiar na ka bynta ka Nazareth Hospital hynrei kan long ka jingkyrkhu ia ki paidbah jong ka jylla Meghalaya baroh kawei.
Ha kane ka jingialang la kren ruh da u Principal Secretary ka tand ka koit ka khiah, u Sampat Kumar, u Director ha HANM u Ram Kumar, u Dr. J Rangad CMO, ka Sister Noreen ba peit ia ka Hospital bad ia ka jingduwai la pynep da u Phadar Richard Majaw Vicar General ka jylla niam Shillong.
