Shillong, Nailar 15: U Bishop Reved Dr. P Lyngdoh ong ba kane ka jingkwah ka seng HNLC ban poi sha ka jingiakren ia suk ka dei kaba la rim bha kaba la palat phew snem kala shuiaid shiiaid haduh mynta, hynrei mynta kane ka sorkar kala shim ia ka sien jam ba kala jubab ia ka jignkwah katei ka seng ba kin wan sha khmat ban ia kren noh mar khmat bad ka sorkar.
Haba ia dei bad kane ka jigniakren ia suk ka sorkar kala thung ia u ksiang ban ia kren bad ki, kum ki khristan, kum ki nongialam khristan ka long kaba sngewtynnad eh, dei ban iai duwai ba u blei un ialam sha khmat kan long ka jingiakren kaba don jingmut, ka jingiakren kaba shisha, ka jingiakren kaba hok ba kan don ka jingiashaniah iwei iwei pat kata kaba kongsan eh.
Shisien bala don ka jingiashaniah da mih ka jingsuk mynta mynta ruh, haba don ka jingiashaniah kan don ka jingiabteng nangne sha khmat ruh, ha kaba khatduh kan poi sha ka jingiasuk, kan long ka jingkyrkhu ia ka jylla baroh kawei ka jaidbynriew baroh kawei bad ka jingkyrkhu kaba khraw ia kito ki dkhot kiba don ha ka HNLC ki dei ki khun ki kti, ki khun samla jong ka jylla, lada poi sha ka jingiasuk ia bha katno kan long ka jingkmen kan long ka jingmyntoi ia ka jaidbynriew baroh kawei.
U Rev E H Kharkongor la ong ba kathong kaba ha khmat eh kum ka Khasi Jaintia Christians Leaders Forum ka long ban wan rah ia ka shong suk shong shngian ha ka imlang sahlang, ha ka jylla bad ha ki para nongshong shnong, kane ka jingiaid lynti jong ki khynnah samla la bun bun snem kiba don la ka jong ka jingangnud, don la ka jong ka jingialeh haka jingim ka jong ki bad bun sien ki long pyrshah bad ka sorkar, hynrei mynta la ioh ba ka don ka jingpli lat kaba kham don jingmut.
Mynta ka jingplie lat kaba khamshai na ka bynta ka jigniakren bad ka jingiaid shaphrang ha la lynti sha ka jingsuk, ka lynti ban wan lam ia ka jingshong suk shong shngian bad baroh ar liang la iohi ka don ka jingplie lat bad ka long ka jingkhmih lynti, ka jingduwai jong ka KJCLF ba kine ki dei ban wan rah ia ka jingsei soh, kiba don jingmut, jingsei soh kiba don kam, ym pat shupaw tang ha ki jingthoh.
Ka jingsei soh bad ka jingmyntoi ia ki khun samla, ki ban wan rah ia ka jingkyrmen ia ki long iing long sem, kiba la ia kynduh ia ki jingeh ka jingiaid lynti ka jong ki, ki ban wan rah ia ka shong suk shnong shngian ha ki shnong ki thaw bad ha ka jylla baroh kawei kane ka long kaba don kam.
