Ka sorkar kala mang pisa T.121 klur ban shna ia ki ophis ha ki 46 tylli ki Block ha ka jylla

Shillong, Iaiong 28: U Mytri rangbah ka jylla mynta ka sngi u la ong ba ka sorkar kan pynlut T.121 klur tyngka ban shna ia ki iing ophis jong ki 46 tylli kiblock kiba don ha kylleng jong ka jylla, ia kane la kren ha kaba buh ia u mawnongrim ban shna ia ka Bajengdoba C&RD block ha North Garo Hills District.

Haba kren ha katei ka jingialang u myntri rangbah ka jylla  la ong ba ka sorkar ka kwah ban kyntiew ia ki kam pynroi ha baroh ki liang bad kane ka jingbuh mawnongrim mynta ka sngi ka long ban pynpoi ia ki kam jong ka sorkar kham jan sha ki paidbah.

U Myntri rangbah la ong ba shisien ba la dep kane ka ophis kan don ka jingtrei kam kaba kham bha ha kaba ki ophisar bad ki nongtrei ruh kin sa kham sngew tynnad ban trei. Kane kan pynsuk ruh ia baroh ki briew kiba leit ban don kam hapoh jong ka Blok bad kan ai ruh ka jingshakri kaba kham bha sha ki paidbah.

Ha kane ka jingialang u myntri rangbah u la pyntip ruh ba ka sorkar kan sa pynurlong ia ka jingdawa ki paidbah ban kyntiew kyrdan ia ka Bajengdoba PHC sha ka CHC, kane kan sa urlong noh shen.

Ha kane ka sngi u myntri rangbah u la leit ban jngoh ia ka jingtrei ia ka surok bad ia ka Hamilton Sangma stadium  kaba don ha Bakenang Nalsa,ha kane ka sngi kiba la ia don lang ki long u Deputy Speaker  u Timothy D Shira, u MLA kane ka jaka u Pongseng R marak, u MLA jong ka Kharkutta u Rupert Momin bad u MDC barim jong ka Bajengdoba ka North Garo Hills.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet