Shillong, Naitung 29: Halor ka jingkhlad i khunlung ba leit kha sha Ganesh Das Hospital ka ba dei na Mawtawar u myntri ka tnad ka koit ka khiah u bah A L Hek u la khot ia ka jingialang ia ki nongialam shnong, ki Doktor ka Hospital haba la don lang u MDC Mawlai u bah Teiborlang Pathaw.
U Symbud Myntri Rangbah u Bah Prestone Tynsong u la iathuh ba ha dien ka jingialang la shim ia ka rai ban pan jingpynshai halor katei ka jingjia baroh na ka Ganesh Das Hospital hadien ba la ioh ia ka jingpynshai ka sorkar kan sa shim ia ka rai.
U bah Prestone u la iathuh ba ka jingjia mynnin ka sngi ha Lawmali kala pynlong ia ka sorkar ban shim ia ka rai ban bthah ia baroh ki jaka sumar sorkar ha ka jylla ba lada don ka jinduna ia ki jingthiah ki dei ban pyntip mardor sha u DHS ban pynbiang khnang ba ki nongpang kin nym kynduh jingeh.
Ha ia dei bad ka jingtest naphang ia ki paidbah da ka Antigent Test la bthah ia ka tnad ka koit ka khiah ban sdang noh mardor ha kito ki 71 tylli ki thain kiba ka sorkar kala dep ban pynbna.
