Ka sorkar kala pynkhreh ban buh ia ki BDO ba pura ha baroh ki Block: Sniawbhalang

Shillong, Nailur 13: U myntri ba dei peit ia ka tnad kam pynroi nongkyndong u bah Sniawbhalang Dhar, haba jubab ia ka jingkylli jong u MLA na Chokpot u Lazarus Sangma u la iathuh ba ka sorkar kala pynkynriah lai sien ia u BDO na ka Block Chokpot ha kane shisnem.

Haba jubab ia ki jingkylli bynrap, na ka liang jong u myntri u la ong ba ka sorkar kala pynkhreh ban buh ia ki BDO ba pura ha baroh ki block ha ka jylla. Haba ia dei bad ka jingpynkynriah kam ia ki ophisar ka dei kaba ka sorkar ka juh leh man ka por.

Haba ia dei bad ka jingkylli jong u bah George B Lyngdoh, u myntri ka tnad pynroi nongkyndong u la ong ba ka sorkar mynta ka dang pynkhreh ban buh ia ki BDO ba pura ha baroh ki Block. U MLA jong ka Umroi u la ong ba ia mynta ki block kiba don ia ki BDO ba pura ki don tang 8 tylli bad kiwei 38 tylli kim don ia ki BDO ba pura.

Ha kawei pat ka jingkylli, u myntri rangbah ka jylla u Conrad K Sangma haba jubab ia ka jingkylli jong u Bah Process T Sawkmie, u la ong ban pyntrei kam ia ka NRC ka dei ka kam jong ka sorkar pdeng ym ha ka kti jong ka sorkar jylla.

What Next?

Recent Articles

Leave a Reply

Submit Comment

*