Shillong, Nohpeah 06: Ka Hill Farmers Union (HFU) ka la pynlong ia ka jingialang ban rakhe kynmaw burom ia ki nongrep (Meghalaya Farmers Day) ha ka 4 tarik mynta u bnai.
Ha ka jingrakhe ha Shillong ba la pynlong da ka HFU Central body u myntri ka tnad ka rep ka riang u la long u kongsan, u Chairman jong ka Meghalaya Farmers Welfare Commission u la long u symbud kongsan bad u Principal Secretary ba dei khmieh i aka tnad veterinary & Animal Husbandry u la long u nongshah khot sngewbha ba kyrpang.
Haba kren kum u kongsan ha kane ka sngi u Myntri ka tnad ka rep ka riang u bah Banteidor Lyngdoh u la ai khublei ia ka seng HFU kaba la pynlong ia kane ka jingrakhe kaba nyngkong duh Meghalaya farmers day ha ka jylla.
U la ong ruh ba ka sorkar ka la pynkhreh ban don noh la ka jong ka Agriculture Policy kumba la dawa da ka HFU. U la ong ruh ba ka sorkar kan dang ialeh katba lah ban pynioh 100 ka jingiarap na ka bynta ki symbai ia ki nongrep lyngba kino kino ki jingioh sngewbha ban ioh pdiang n aka sorkar pdeng.
Na ka liang jong u General Secretary jong ka seng kmie bah Allfonbirth Kharsyntiew u la kyrpad ia u myntri sorkar lyngba ka memorandum ban pynheh i aka mang tyngka n aka bynta ka rep ka riang khnang ba kan long ka jingmyntoi na ka bynta ki nongrep.
La dawa ruh ba u snem 2021 ba ka sorkar kan pynbna kum u snem jong ki nongrep nalor ka jingdawa ban pyntreikam i aka market intervention scheme bad kiwei kiwei.
Lah ban pynkynmaw ba ia kane ka sngi la pynbna nynkong duh da ka HFU ha ka 4 tarik jong u nohprah ha u snem ba ladep lyngba u President ka HFU bad mynta u snem ha ka 3 tarik nohprah ka sorkar ka la pynbna ba yn ithuh noh ia kane ka sngi kum ka sngi ki nongrep bad kane ka jingpynbna ka la wan ha ka por ba ka seng HFU ka la pynkhreh shait shait ia ki prokram ha ka 4 tarik.
